{ولا يحيق المكر السيئ إلا بأهله}.. وهذه القصة المثيرة خير دليل

بقلم | حسين | الخميس 20 فبراير 2020 - 01:34 ص

يكشف الداعية الإسلامي الدكتور عمرو خالد من خلال هذا الفيديو المنشور على صفحته الشخصية على موقع "يوتيوب" ضمن سلسلة برنامجه الشهير "بسمة أمل"، معنى آية قرأنية هامة وهي {ولا يحيق المكر السيء إلا بأهله}، موضحا المعاني والأسرار من هذه الآية.

ويقول عمرو خالد "الآية ديه تنفع تكون قانون للحياة يعني حضرتك تعيش بيها وأنا أعيش بيها، الآية بتقول (ولا يحيق المكر السيء إلاَّ بأهله) اللي يمكر مكر سيء هوة أول واحد يتإذي منه خللي بالك ده قانون قرآني".

وأضاف "خالد": "إحنا ساعات كتير يا جماعة بنقرا القرآن وما بنقفش ما بنركزش؛ ما هي القوانين اللي بتحكم البشر؟ ما هي قوانين الله في هذا الكون؟ (ولا يحيق المكر السيء إلاَّ بأهله) من حفر حفرة لأخيه هوة أول واحد هيقع فيها، من كد لبني آدم علششان يستخدمه أو يعمل بيه مصيبة هوة أول واحد هيتكوي بهذه النار، أنا باحكي القصة دي وبحكي الآية دي علشان أقول للناس لكل اللي بيسمعوني إبحث عن الخير إوعى تبحث عن المكر السيء إوعى تبحث إزاي يبقى الشر جواك علشان توقع اللي حواليك".

وسرد "خالد" حكاية واقعية عن هذا المبدأ قائلا: "هوة اتجوزها هية كانت بنت من عائلة محافظة جداً، بنت مغمضة جاية من أسرة محافظة جداً، وفي نفس الوقت هية حلوة هية ملامحها جميلة لكن هوة بدء يمكر مكر سيئ بعد ما اتجوزها حلوة علشان يستخدمها، يستخدمها في إيه؟ عايز يترقى، يعني إيه؟ يعني بدء يستخدمها إن حفلات مع رئيس مجلس الإدارة ومع الناس الكبيرة في الشركة ويسهل كدة إنها تقعد قعدات براحتها، هية البنت جاية من عيلة محافظة والبنت مش متعودة على كدة، لكن بدء يمكر مكر سيء علشان يترقى إنه يخلي مجلس إدارة الشركة- للأسف أنا لازم أقول كدة- معجب بمراته، مش هايعملوا حاجة غلط لكن يعني كدة إيه.. حد يعمل كدة؟".

وأردف بالقول "معقولة علشان تترقى تعمل في مراتك كدة؟ لكن خللي بالك هية بدإت تتعود على كدة وللأسف بدء يبوظ فيها المعنى الجميل المحافظ الراقي اللي أهلها ربوها عليه بدإت تقبل هذا الشكل ممكن بدون أخطاء لكن هذا الانفتاح في العلاقة!؟ وهوة مبسوط لأنه هيترقى لكن الآية بتقول (ولا يحيق المكر السيء إلاَّ بأهله) يا جماعة القصة حقيقية عارفين حصللوا إيه؟ الراجل ده بعد سنتين تلاتة جالوا شلل نصفي وقعد في البيت! طلع معاش! بس فضل يتكوي بإيه؟ إنه قاعد قعيد في البيت وشايف مراته كل يوم بتخرج زي ما اتعودت على إيديه إنها تنفتح بشكل غير لائق على الحياة".

وأشار الداعية الإسلامي "قد إيه الموضوع ده قاسي؟ تخيل لما تشوف اللي انته عملتو بإيديك، إنته زرعت السيء أحصد بقة واتكوي بناره وانته مش قادر تتحرك وشايف مراتك بتخرج بهذه الطريقة"

وأختتم "خالد" بالقول "خللي بالكو يا ناس أنا ضربت القصة دية لكن ما أقصدش بس الموضوع ده؛ أقصد كل مكر سيء في قانون بيتعمل علشان يكيد بني آدم إنته أول واحد هتتكوي بيه؛ كل واحد يمكر مكر سيء علشان يبهدل في البلد علشان يفسد في البلد إنته أول واحد هيتكوي بيها؛ كل مكر سيء قانون رباني (ولا يحيق المكر السيء إلاَّ بأهله) يا أصحاب المكر السيء لن تروا بسمة أمل في حياتكم، يا ناس الخير هوة بسمة الأمل الحقيقية".

 

 

اظهار أخبار متعلقة


اظهار أخبار متعلقة


اظهار أخبار متعلقة


اظهار أخبار متعلقة



اقرأ أيضاً