د. أحمد أبو النصر: الشيكولاته تخلصك من الكرش وتسكن الآلام

بقلم | محمد جمال حليم | الجمعة 03 يوليو 2020 - 08:40 م

الشيكولاته لها فوائد كثيرة في تحسين الصحة العامة للإنسان وتقيه من العديد من الأمراض.

يؤكد الدكتور أحمد أبو النصر أستاذ الطب البديل والعلاج بالنباتات الطبية أن الشيكولاته مصدر الأفيون الداخلي.

ويوضح أن هذه الشيكولاته مصدر الأفيون دي بتمنع أي ألم ، توتر عصبي ، مزاج سيء.. بل بالعكس بتخليك مبسوط وسعيد، وأن ١٧٠ دراسة على مستوى العالم .. قالوا عنها بتخسس الكرش (ضموها على قائمة التخسيس) .

وفي نيوزلاندا قالوا بتقوي العين وبتمنع ضغط العين والمياه الزرقاء والجلوكوما ..

وهناك في أسبانيا قالوا بتقلل ضرر السكر على الكبد ومنع الفركتوز الصناعي والجلوكوز بترسبوا فيه فـ بالتالي مايحصلش دهون كبد (ضموها على قائمة تغذية الكبد ومنع الدهون) ..

وفي أمريكا عملوا ٦ دراسات كاملة مكملة عن قد إيه هي مفيدة للتصلب الشرياني وضعف عضلة القلب وتزويد التورية والدورة الدموية للقلب .. ومنهم واحدة بتفيد إنها بتمنع التذبذب الأذيني ورعشة القلب ..

وفي اليابان عملوا ٤ دراسات شبه بتوع أمريكا قالوا بما معناه الستات هتبطل جملة "هتجيبولي جلطة" خلاص مابقاش ليهم حِجة الشيكولاتة الخام بتمنع الجلطات ..

كوريا الجنوبية قالت لو أنت عصبي فـ قولونك بيزعل على زعلك فـ يعملك إمساك ماتبقاش تنسى الشيكولاتة..

في سويسرا عملوا معادلة على كذا شخص ياخدوا ٤٠ جرام يومياً منها لحد أسبوعين (١٤ يوم) ، والمعادلة نجحت عليهم إن نسبة الكورتيزول اللي بيطلع من الغده الكظرية عندهم توصل للطبيعي ، وأكدوا إن طول ما فيه stress "توتر" هتفضل الغدة تنتج في هرمون الكورتيزول ودة مش حلو عشانك ..

في بريطانيا بقى قالولك لو محتاج طاقة وكفاية إجهاد جسدي حتى لو أنت من مرضى التصلب المتعدد ، خد شيكولاتة..

وإنجلترا ردت وقالت لا وكمان هتعالج الإكتئاب ..

وفرنسا درست إنها مهمة لتضخم البروستاتا ..

والمكسيك ختمت في سنة ٢٠٢٠ إن الشيكولاتة مهمة جداً جداً لضعف الذاكرة والإدراك ..

مستهون أنت بالشيكولاتة دي .. دي مزاج وعلاج وطعم حلو (وحل مشاكل) ..