كيف تتخلص من البواسير دون جراحة؟.. الدكتور أحمد أبو النصر يجيبك

بقلم | محمد جمال حليم | الجمعة 02 اكتوبر 2020 - 08:40 م

البواسير مرض من الأمراض المنتشرة جدا ولها آلام نفسية وعضوية ومن ثم يلزم التعامل معه بحرص .
يؤكد الدكتور أحمد أبو النصر أنه للأسف مجرد سماع الأسم تلقائياً بنحس بألم وشعور بعدم إرتياح مع العلم إن دة مش عرض ثابت أو لازم وجوده إن يكون فيه ألم .. عشان ممكن يبقى نزيف أو إفرازات أو الشعور بالحكة والحرقان في المنطقة دي.

ويضيف في منشور له على صفحته الرسمية على الفيس بوك أنه لو عندنا بواسير داخلية ودي بتكون في الجزء السفلي من المستقيم وتمتد لأعلى ، وخارجية بتعمل تضخم لأوردة المستقيم وبتبقى تحت الجلد ..

ممكن تحصل بس مشاكل الجهاز الهضمي وإدمان الشطة ومشاكل الكبد والقولون التقرحي والإجهاد المبالغ فيه في حمل الأثقال أو الإمساك/الإسهال المزمن والوزن الزايد والجلوس لوقت طويل أو في حالة الحمل .. مروراً بتقدم السن .. وفي وجودها مع إستخدام المياه الباردة على المنطقة دي بيزود دة أكتر ..

نادراً بيحصل مضاعفات زي فقر الدم والبواسير المخنوقة.

علاج البواسير:
كمريض بواسير نحاول نقلل منتجات الألبان ، ونقلل كافيين ، والأكل بتاع الشارع والحار ، اللحوم والخبز الأبيض ..

هنحتاج ملينات طبيعية زي شرب اليانسون وزيت بذر الكتان والمشروبات الشفافة عموماً، وأكل الألياف(بس بالعقل عشان ماتقلبش بأنتفاخات وغازات) .. وناخد العفص والوايت جراس كـ دهان ودول بعتبرهم اللمسات السحرية لعلاج الشرخ والبواسير ..

وفي الأساس مطلوب منك تعالج سبب البواسير إن وجد ..