يكشف الداعية الإسلامي الدكتور عمرو خالد، من خلال مقطع الفيدي لمنشور على صفحته الرسمية على موقع "يوتيوب"، لمتابعيه عن جوائز الإحسان في الدنيا والآخرة، مشيرا إلى أنه يجب أن يكون حلمنا جمعيا أن نرى الله بقلوبنا فى الدنيا.
يقول "خالد" إن "الحلم والهدف هو إذاً الوصول لمنزلة الإحسان.. تخيلوا يا جماعه لو عشنا رمضان السنه دي بمنزلة الإحسان اللى هي أعلى حاجه في الدين، مؤكدا أن "الإحسان" إحساس عالى جدا بالله في كل جزئيات حياتك .. حاسس بيه اوي ( ان تعبد الله كأنك تراه)".
ويضيف الداعية الإسلامي: إنك تحس بيه في كل جزئيات حياتك هو ده الإحسان تتقلب في سريرك تكلمه تقول له يارب نفسي بكره يكون حلو خلص لى المشكله بتاعتى معاك .. سايق العربيه وواحد رزل غلس عليك وقررت انك هتقرفه وهتشتمه وبعدين افتكرت ربنا معاك .. افتكرت ان انت مسألتش على ابوك النهارده فمقدرتش فرفعت التليفون ازيك يابابا معاك فلما دخلت الصلاه وسجدت حسيت انه معاك اوي كانه بيطبطب عليك.. هو ده الإحسان مع الله في كل جزئيه في حياتك .. تسجد وتدعي تحس إنه بيطبطب عليك .. تحن على أمك وتسعدها وترضيها وتقول له عشان أرضيك يارب".
ويؤكد الدكتور "خالد" أن الإحسان فرض مش رفاهية ، مستشهدا بآيات من القرآن الكريم " إن الله يأمر بالعدل والإحسان .. وضعه زي العدل، " إن الله كتب الإحسان على كل شيء " " وأحسن كما أحسن الله إليك .."، مضيفا أن الإحسان أعلى درجات الإيمان بنص القرآن " ومن أحسن ديناً ممن أسلم وجهه لله وهو محسن
ويشير الداعية الإسلامي إلى أنه إذا سرى فيك الإحسان .. تحسنت أخلاقك وصفاتك وقدراتك ونجاحك .. لأنك ترى الله في كل حياتك.. مع الله تعبده وتصلي كأنك تراه .. مع الناس حسن الخلق .. مع الحياة إحسان العمل يعني إتقان وإبداع .. فيكون ثلاثي الأبعاد .. مع الله – مع الناس – مع الحياة".

اظهار أخبار متعلقة

اقرأ أيضا:

دعاء ربنا اختاره لندعو به للشفاء من الأمراض.. يكشفه د. عمرو خالد

اقرأ أيضا:

لماذا ربنا لم يسمي نفسه الحبيب بل سمى نفسه الودود؟!.. د. عمرو خالد يجيب