يؤكد الدكتور أحمد أبو النصر أستاذ الطب البديل والعلاج بالنباتات الطبية أن التزم نظام غذائي ليس معناه أن تخسر وزنك بشكل سريع فلكل جسم طبيته وأمراضه وهناك عدة عوامل تساعد على خسارة الوزن النظام الغذائي واحدا منها.

ويضيف في منشور له على صفحته الرسمية على الفيس بوك عشان تخس بجد لازم تخس صح .. والأهم عشان السرعة دي هتخليك تقابل إنك حاسس إن وزنك ثابت ومفيش ولا نص كيلو بيقل وهتُحبط.

فيه أسباب كتير ممكن تأخر نزول الوزن بسهولة وتخليه مستقر .. زي إن ممكن لا قدر الله يكون عندكوا مرض مثلاً زي خمول الغدة الدرقية أو يكون فيه تكيس مبايض أو فترة إنقطاع الطمث اللي بتغير في الهرمونات وبتقلل الكتلة العضلية .. مشاكل عسر الهضم .. زي معظم الأدوية اللي يا إما بتفتح الشهية يا سبب في إنخفاض معدل الحرق .. زي مثلاً إحتباس السوائل وإحتساب العضلات ( ودول مابنقيسهمش على الميزان خالص ) .. إنك زي ما قولتلك عايز حاجة سريع سريع فـ بتقرر تتبع حمية غذائية قاسية جداً فـ تلاقي وأنت بتقل دهون بتقل كمان عضلات وماء ودول سهل تكتسبهم لو نزلوا سوا بدون وعي وعلى أساسه طبعاً ممكن تلاقي نفسك قال إيه مانع سكريات ونشويات بس مكتر من الكربوهيدرات بس ألياف وبروتين قليل جداً ودة مش صح ومش صحي تماماً .. عدم حسبتك للسعرات الحرارية صح ممكن يبطئ مستوى عملية الأيض وتخسر الكتلة العضلية ودة كلام دراسة أمريكية أتنشرت في مجلة من ٥ سنين .. وقصادها أتعمل دراسة من سنتين في journal of molecular biochemistry مشهورة إن التوتر اللي بيجي من الغدة الكظرية بسبب إفراز الكورتيزول وقلة النوم سبب .. وإن توقعاتك بخسارة ١٠٠ كيلو من أصل ٩٠ دة ممكن يحبطك بسهولة ويخليك مش قادر تكمل ..

وينصح: كُل كويس .. أشرب مايه .. أتمشى .. ألعب رياضة بالعقل .. أحسب سعراتك .. خلي ميزانك في توازن .. اقرأ اللاصقة اللي على الأكل قبل ما تشتريه .. مفيش حاجة إسمها يوم free .. ظبط أدويتك .. خُد حاجات بتعلي الحرق .. تفائل بس ماتعلاش بطموحاتك غير في الوقت المناسب.