ينصح الدكتور أحمد أبو النصر أستاذ الطب البديل والعلاج بالنباتات الطبية أولياء الأمور في منشور له على صفحته الرسمية على الفيس بوك بعدة نصائح:

- امنعوا الحلويات تماماً عشان السكريات بتضعف المناعة جداً ..

- بلاش Fast Food ، الأكل اللي من برا وقت كمان اختلاطهم بعدد هيسد جوع بس مش هيحمي صحة ..

- الرياضة مهمة ولو ١/٢ ساعة أو ساعة في اليوم رياضة ، الرياضة بتعلي المناعة وبتقوي الجسم ..

- تناول الفاكهة والخضار والمكملات ڤيتامينات وعصاير معمولة في البيت دة هينفعهم جداً ..

- ندعم وجباتهم بالبروتين والدهون الصحية وزيت الزيتون ..

- نعودهم على شرب السوايل الدافية مع التحلية بالعسل زي التليو / اليانسون / الشمر / الزنجبيل ..

- والأهم بقى الماء ، الماء هيحافظ على جسمهم من الجفاف ودي خطوة مهمة ..

طيب وجنب الأكل ؟ نديهم أسكوربيك أسيد اللي بيدعم ڤيتامين سي بنسبة كبيرة وفي نفس الوقت آمنه عشان يقدروا ياخدوه كل يوم .. ومعاه البروبليس ودة اللي هو عكبر النحل أو صمغ النحل إحنا إتكلمنا عن دوره من وقت طويل ، وبجانب إنه مهم للمناعة هو بيقي من إلتهاب مجاري التنفس الجرثومية وما يصاحبها من نزلات برد وأنفلونزا ..

بدورك يا ست الكل التعقيم ثم التعقيم .. عوديهم مايلمسوش حاجة إلا ويعقموا إيدهم بعدها .. الأحذية لازم تتقلع برا البيت وتتعقم وتتساب للشمس .. الملابس خليها أكتر من طقم عشان يبقى سهل التنظيف والغسيل على مدار الأسبوع .. الأدوات اللي بياكلوا فيها واللي بيستخدموها جوا الشنط هنتعبك معانا معلش وتتعقم كمان .