أحنا في رحلة روحية .. نعيش مع بعض حالة من الذكر والفكر .. نذكر ربنا ونتأمل في الكون ونعيش حياة طبيعية مالناش دعوة بالتصوير.. فعلاً نخوض تجربة بنية لله .. ونسيبها تنتقل للناس بطبيعتها بدون رتوش ولا تزويق .. هي زي ما هنحس بيها تنتقل للناس.    

أما احنا فعايشين مع الله وحده .. اختارنا المكان ده بعيد عن الناس عن سرعة وحركة الحياة . لنعيش meditation trip .. نعمل 3 حاجات: نذكر الله .. نتفكر في أسماء الله الحسنى .. نتأمل في جمال الكون.

ليه المكان ده .. مع الكون .. أنت والكون تتكلموا لغة واحده .. .. تحملوا نفس الكود .. الكود هو أننا كلنا من تجليات أسماء الله الحسنى .. أنت مخلوق من نفس مادة الكون من تراب فتحن له وأنت والكون تحنوا للخالق.

 حكمة

فالله صمم الكون بهذا الجمال ليدل الأروح عليه بألف دليل ودليل

حكمة

جمال الكون كنز يهديه الله للمتفكرين 

حكمة

من الصعب أن أتذوق جمال الكون ولا ينطق لساني  بحب الله

حيكون يومنا اغلبه ذكر وتأمل ومناقشات .. تسمعوني واسمعكم .. تقولوا أحساسيكم مش أنا لواحدي

 أنتم 6 عمر وأخته أسماء . من مصر .. عاصم ومحمد من مصر .. جودي من لبنان .. تسنيم من الجزائر وفرنسا وهي الوحيدة التي لا تتكلم عربي .. وفي نفس الوقت احنا حنعيش هنا جو عائلي .. لأن أسماء معاها عمر أخوها .. وجودي معاها أخوها محمد .. وتسنيم أقاربها في فريق التصوير.

خدو نية حلوة للرحلة دية

مناقشة : ما هي توقعاتكم في هذه الرحلة 

هدف الرحلة الروحية: 

الوصول لمنزلة الإحسان من خلال تأمل في كل حلقة اسم من أسماء الله الحسنى

إيه هو الإحسان .. تعالوا نسمع حديث مهم جدا عن رسول الله

حديث الإحسان: 

 الحديث يا جماعه لا يوجد مثله حديث تانى في طريقة التشويق انك لازم تبقي عامل كده يعنى انا متاكد ان الصحابه اللى حضروا النبي وهو بيقول هذا الحديث محدش فيهم بيرمش كده والنبي بيعمل حاجات والراجل اللى مع النبي في الحديث بيعمل حاجات تجبر اللى قاعدين انهم لازم يكونوا كده عشان الحديث ده لازم يتحفظ عشان يفضل حلقه في ودن امة محمد مينسوهوش ابدا

والامام الشافعي بيقول عن الحديث ده أنه ربع الدين .. الحديث ده اللي رواه سيدنا عمر بن الخطاب

الحديث بيقول ( بينما نحن جلوس عند رسول الله صلى الله عليه وسلم ذات يوم الصحابه قاعدين والنبي قاعد ادامهم اذ طلع علنا رجل دخل علينا واحد راجل مين ده محدش يعرف شوف الاثاره شوف التشويق اذ طلع علينا رجل شديد بياض الثياب شديد سواد الشعر حاجه شدة الابيض مع الاسود جذابه جدا لا يري عليه أثر السفر)

 نضيف أوى أوى أوى ولا يعرفه منا أحد دا المدينه اد كده هو في حد في المدينه ميعرفش حد تانى يا جماعه يبقي الراجل ده مش مدينه بس هدومه نضيفه اوي اه دي في حاجه مش مفهومه ثم دخل فتركنا ولم يسلم علينا

( وجلس امام النبي فأسند ركبتيه إلى ركبتيه) إيه ده دا قعد قريب أوي دا مخدش سبيس زي ما بقيت الصحابه ياخدوا سبيس بينهم وبين النبي ... دا قعد ادامه كده وقال له يا محمد ايه ده مقالوش يا رسول الله والنبي موافق يعنى النبي مقالوش انت ازاى تقعد كده النبي موافق على اللى بيعمله  معاه اصل ده جبريل اول مره ينزل في صوره بشريه اصل هما عمرهم ما شافوه قبل كده اصل هو على طول بينزل في صوره ملائكيه لا يراه الا النبي له ستمائة جناح يسد الافق.

 أول مره ينزل في صوره بشريه عشان الكلمتين اللى هيتقالوا دول يتحطوا زي الحلقه في الودان وقال يا محمد وسأل 3 أسئله من ال 3 أسئله دول كل فروع ديننا طالعه منهم واي حاجه في الدين لازم يكون مرجعها لواحد من ال 3 دول

( فقال يا محمد أخبرنى عن الإسلام فقال النبي الإسلام ان تشهد ان لا اله الا الله وان محمدا رسول الله وكلكم عارفين وان تقسم الصلاه وتصوم رمضان وتؤتى الزكاه وتحج البيت قال صدقت فعجبنا له يسأله ويصدقه) يعنى لما انت عارف بتسأله ليه ومين ده اللى يدي للنبي ال ابروق ويقول له صدق يعنى مين ده اللى بيدي النبي الختم ويقول له صح تمام وبيملك كده .. فهما مركزين ده السؤال الأول الإسلام

( قال اخبرنى عن الإيمان قال ان تؤمن بالله وملائكته وكتبه ورسله واليوم الاخر والقدر خيره وشره قال صدقت)

 قال الثالثه هو انا ايه الموضوع اللى بكلمكم فيه دلوقت ايه اصل الموضوع اللى بنتكلم فيه الحلم اللى عاوزين نوصل له في رمضان هو التالته دي

(  قال فأخبرنى عن الإحسان)  إيه ده هو الإحسان ده زي الإسلام والإيمان عشان يبقي ال 3 اسئله بالتوازي ايه ده دا سواهم بالاتنين دول دا الإحسان احنا فاكرينه حاجه صغيره في ديننا دا التالت قال فأخرنى عن الإحسان قال (ان تعبد الله كأنك تراه فإن لم تكن تراه فإنه يراك قال صدقت )

ثم انطلق فانصرف فقال النبي يا عمر اتدري من السائل قلت الله ورسوله أعلم قال انه جبريل أتاكم يعلمكم دينكم

 يبقي ال 3 دول هما الدين كله

معنى الإحسان:

الإحسان هو: إحساس عالى جدا بالله في كل جزئيات حياتك  .. حاسس بيه اوي ( ان تعبد الله كأنك تراه)  

 إنك تحس بيه في كل جزئيات حياتك هو ده الإحسان تتقلب في سريرك تكلمه تقول له يارب نفسي بكره يكون حلو خلص لى المشكله بتاعتى معاك .. سايق العربيه وواحد رزل غلس عليك وقررت انك هتقرفه وهتشتمه وبعدين افتكرت ربنا معاك .. افتكرت ان انت مسألتش على ابوك النهارده فمقدرتش فرفعت التليفون ازيك يابابا معاك فلما دخلت الصلاه وسجدت حسيت انه معاك اوي كانه بيطبطب عليك.. هو ده الإحسان مع الله في كل جزئيه في حياتك .. تسجد وتدعي تحس إنه بيطبطب عليك .. تحن على أمك وتسعدها وترضيها وتقول له عشان أرضيك يارب.

الإحسان درجتين: 

الإحسان 2  Levels أن تعبد الله كانك تراه دا العالى .. بس النبي بيقول لك إن في  Level أقل لكن برده جوا الإحسان .. فإن لم تكن تراه فإنه يراك .. إن ربنا حاضر معاك في كل حياتك وتصرفاتك.

إذا سرى فيك الإحسان .. تحسنت أخلاقك وصفاتك وقدراتك ونجاحك  .. لأنك ترى الله في كل حياتك 

مع الله تعبده وتصلي كأنك تراه .. مع الناس حسن الخلق ..  مع الحياة إحسان العمل يعني إتقان وإبداع .. فيكون ثلاثي الأبعاد .. مع الله – مع الناس  – مع الحياة 

الحلم والهدف:

إذاً الحلم أو الهدف من هذا البرنامج هو الوصول لمنزلة الإحسان

 تخيلوا يا جماعه لو عشنا رمضان السنه دي بمنزلة الإحسان اللى هي أعلى حاجه في الدين

ابدأ تدريب ليوم رمضاني كله إحسان .. اليوم تعبد الله كأنك تراه 

تخيل كل خطوة بإحسان  .. أول رمضان بإحسان

هدف البرنامج هو الإحسان " كأنك تراه " تحريك الخيال  الروحي .. ما هي الآدوات .. العيش بأسماء الله الحسنى.. أسماء الله الحسنى هي البرنامج  العملي التنفيذي للشعور برؤية الله. 

" كأنك تراه " الودود – الرحيم – الخالق – العزيز.  

أسماء الله الحسنى تحرك الخيال الروحي لتصل  لإحساس كأنك تراه

إن العقل البشري يعجز أن يدرك ذات الله! فإدراك الذات الإلهية أمر يستعصي على البشر ولكن الله برحمته ولطفه ومحبته لعباده عرف نفسه لعباده بما يسهل عليهم إدراك صفاته سبحانه من خلال أسمائه الحسنى، ثم أفاض سبحانه برحمته وكرمه ووده بأن جعل أسماءه الحسنى تتجلى في كل الكون؛ فكان الكون مرآة لأثار تجليات أسمائه الحسنى. كأنك تراه

إذا سألتك: تعرف فلان؟ تقول لي: نعم؛ أعرفه، طويل أو قصير أو رفيع أو سمين..إلخ. أقول لك: إذًا أنت لا تعرفه! أنا أسألك عن صفاته وليس عن مظهره، صفاته هي الأهم، هل هو كريم – رحيم – ودود – حليم – حكيم.

والسؤال الآن: هل تعرف الله؟ هل تعرف صفاته – أسماؤه الحسنى؟ ما قيمة أن تأتي للحياة وتعرف كل شيء ولا تعرف خالقك.

يحكي لي صديق شاب؛ يقول: كنت في الثانوي، وكان أبي مشغولًا في أعماله بشكل دائم أفقده الإحساس بي كابن له في مرحلة المراهقة أحتاج فيها لأب حنون صديق أشعر بقربه مني. حاولت كل المحاولات لأتودد إليه فلم أفلح، حتى كان يوم لمبارة كرة قدم لفريق المدرسة على نهائي دوري المدارس، وكنت أنا حارس المرمى، وتوسلت يومها لأبي ليحضر المباراة ليشاهدني وأنا ألعب؛ فوافق أمام إلحاحي، وحضر بالفعل، لكنه كان مشغولًا بهاتفه ولم يبدي أي اهتمام بوجودي، ثم جاءه اتصال وسط المباراه فتركني وغادر مسرعًا! يقول لي: أنا أكملت المباراة لكن دموعي كانت تنهمر بشدة! يقول لي صديقي: بعد شهر توفي أبي، ووقفت على قبره فوجدت نفسي أقول له: أنا لم أعرفك! كنت أتمنى أن أعرفك، ماذا كان في الدنيا أهم من أن أعرفك!

هذه قصة اجتماعية مؤثرة! انسَها الآن وتذكر عندما تقف بين يدي الله يوم القيامة تقول له: أنا لم أعرفك! لم اعرف صفاتك! فيقال لك: وماذا كان في الدنيا أهم من أن تعرف خالقك! لقد عرَّفك عليه بأسمائه الحسنى! كيف غادرت الدنيا ولم تعرف أرحم الراحمين - أكرم الأكرمين - الودود – الحكيم – الحليم – العليم – القريب – المجيب – الحي – القيوم.

إن كل صغيرة وكبيرة في الكون تذكّرك بأسماء الله الحسنى، لا توجد ذرة واحدة في الكون إلا وهي تحمل ختم أحد أسماء الله الحسنى.

يقول الله: (وَلِلَّهِ الْمَشْرِقُ وَالْمَغْرِبُ فَأَيْنَمَا تُوَلُّوا فَثَمَّ وَجْهُ اللَّهِ إنَّ اللهَ وَاسِعٌ عَلِيمٌ)[البقرة:115]  أن كل موجود في الكون هو علامة إلهية أو إشارة على الحضور الإلهي، إشارة تربطك بأسماء الله المتعلقه بكل صورة للكون تراها في يومك وليلتك.

الكون بانوراما روحية تعرض أسماء الله الحسنى  حتى تراه

حكمة

الكون  كله مكتوب عليه لافته عريضه عنوانها: صنع الله ... فقط افتح عينيك واطلق روحك لتتأمل

الكون مسجد كبير يسبح باسم الله في مشهد خشوع عجيب يجمع ملايين الكائنات العابدة الذاكرة والمذكرة بأسماء الله الحسنى، قال الله تعالى: (تُسَبِّحُ لَهُ السَّمَاوَاتُ السَّبْعُ وَالأَرْضُ وَمَن فِيهِنَّ وَإِن مِّن شَيْءٍ إِلاَّ يُسَبِّحُ بِحَمْدَهِ وَلَكِن لاَّ تَفْقَهُونَ تَسْبِيحَهُمْ إِنَّهُ كَانَ حَلِيمًا غَفُورًا)

لماذا عندما نصادف منظرًا جميلًا مفرطًا في الجمال؛ تخشع أرواحنا فجأة! ما العلاقة؟! أليس هذا دليلًا أن الكون مسجد كبير يسبح بحمد الله! (أَلَمْ تَرَ أَنَّ اللَّهَ يَسْجُدُ لَهُ مَن فِي السَّمَاوَاتِ وَمَن فِي الْأَرْضِ وَالشَّمْسُ وَالْقَمَرُ وَالنُّجُومُ وَالْجِبَالُ وَالشَّجَرُ وَالدَّوَابُّ وَكَثِيرٌ مِّنَ النَّاسِ)

أسماء الله الحسنى تملأ الحياة: لتشعر بحضور الله معك ..  كأنك تراه 

 فمن اسمه الحَنَّان المَنَّان يظهر أهل الحنان وأهل الفضل. ومن أسمائه الرؤوف الودود الحليم الرحيم يظهر أهل الكرم وأهل المودة وأهل الرحمة، ومن اسمه الشافي ترى عجائب شفاء الله لعباده (وَإِذَا مَرِضْتُ فَهُوَ يَشْفِينِ)[الشعراء:80].

ومن اسمه الجبار يجبر عباده المكسورين في الحياة.

في صوت الرعد يتجلى اسم الله المهيمن، في نسمات الليل يتجلى اسم الله اللطيف.

في تقلب أحوال البشر يظهر اسمه المُعِزّ المُذِلّ.

كل جمال في الكون من سِر: "إنّ الله جميل يحب الجمال" كل رحمة في الكون من سر: (وَرَحْمَتِي وَسِعَتْ كُلَّ شَيْءٍ)

أسماء الله الحسنى تسكن في كل تفاصيل هذه الحياة بطولها وعرضها، الكون بانوراما روحية تحيي الحياة .. لتصل لإحساس عميق بالله. كأنك تراه

كيف نصل للإحسان والإحساس بأسماء الله الحسنى؟

الذكر هو اللي حيوصلك للإحسان .. من أحلى النعم

كلما ذكرت بعمق .. ستفتح لك اسراء وأنوار وأبواب وقنوات إلى عالم الروح .. أنوار وأفراح وطمأنينة ورضا وسعادة .. شيء يقذف في قلبك .. الذكر بيعمل قناة مفتوحة بينك وبين السماء .. مع الله .. أنت تذكر فتفتح القناة فيذكرك الله فوراً ..  يقول الله: " فاذكروني اذكركم " اصمت لحظه الآن وردد بصوت خفيض تسمعه لنفسك وقل لا إله إلا الله .. الآن يذكرك الله . أي معنى روحاني في الوجود أكبر من هذا المعنى

تجربتي مع الذكر في الـ SPA

لازم تبدأ .. جرب .. عيش معانا التجربة 

المعاني العميقة للذكر في أحاديث النبي: 

"مثل الذي يذكر ربه والذي لا يذكره كمثل الحي والميت" البخاري.

يقول الله تعالى في الحديث القدسي: "أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملإ ذكرته في ملإ خير منهم، وإن تقرب إلي شبرًا تقربت إليه ذراعًا، وإن تقرب إلي ذراعًا تقربت إليه باعًا، وإن أتاني يمشي أتيته هرولة) رواه البخاري ومسلم.

أن رجلًا قال: يا رسول الله؛ إن شرائع الإسلام قد كثرت علي؛ فأخبرني بشيء أتشبث به؛ فقال: "لا يزال لسانك رطبًا من ذكر الله تعالى" رواه الترمذي.

" عن مَالِكِ بْنِ يُخَامِرَ أن معاذ بن جبل رضي الله عنه قال لهم: إن آخر كلام فارقتُ عليه رسولَ الله صلى الله عليه وسلم أن قلتُ: أي الأعمالُ أحبُّ إلى الله؟ قال: «أن تموتَ ولسانك رَطْبٌ من ذكرِ الله» صحيح ابن حبان.

خمس خطوات للإرتقاء الروحي أثناء الذكر meditation 

20 دقيقة يومياً

أوقف التشويش .. الموبيل

ركز فيما تقول .. اللسان والعقل والقلب

مكان جميل أو هادىء أو مريح

حدد target من الذكر .. هدف عددي

السبحة وسيلة سهله .. الذكر سهل

الذكر والفكر: 

بس الذكر لازم معاه الفكر .. الفكر يعني: التفكر والتأمل .. ذكر وفكر يعني: لسان يذكر وعقل يتأمل وقلب يتأثر وينفعل.

اللسان بيقول استغفر الله فالعقل شايف شرييييييط للتقصير في حق الله فالقلب بينفعل ويقول له سامحنى اللسان بيقول الحمد لله فالعقل شايف شريط لنعم الله عليك من يوم ما اتولدت فالقلب بيقول له متشكر اللسان بيقول لا اله الا الله فالعقل شايف شريييييط لعظمة ربنا في الكون فالقلب بينفعل ويقول له بحبك ... احنا مش بغبغان عمالين نعد هي عمليه ثلاثيه بين لسان وعقل وقلب يبقي ذكر.

تخيل لو عشت بهذا الاسم  .. كأنك تراه 

من كتر تعلقك واحساسك  بهذا الاسم .. تعبد الله به كأنك تراه 

أسماء الله الحسنى  .. طريق الإحساس العميق بالله .. طريقك للإحسان

ذكر اليوم اللي نعيش معاه : لا إله إلا الله . 500 مره .. 10 دقائق

الذكر سيصل بك إلى  الإحسان .. كأنك تراه   

لازم تبدأ .. جرب .. عيش معانا التجربة 

والله حتتغير .. حتكون إنسان جديد 

ستجد حلاوة عجيبة في قلبك 

ارسل لنا مشاعرك واحساسك والذكر عمل  فيك إيه على comment الحلقة