أثار مقطع فيديو لمبتهل ديني "مجهول الهوية"، تفاعلاً واسعًا بين رواد وسائل التواصل الاجتماعي.

الفيديو الذي يقول مصوره إنه التقطه لشخص كان يسير أسفل منزله في منطقة العجمي بالإسكندرية، حظي بتداول واسع، إذ عبر الاف من مستخدمي وسائل التواصل الاجتماعي عن انبهارهم بصوته الشجي.

وقال مصور الفيديو، إنه كان يستحم عندما خرج على صوت الرجل: مضيفًا: "أنا كنت بآخد شاور واتفاجئت بصوته في الشارع ملحقتش أعمل حاجه غير إني أصوره كده والله".

وأشار إلى أنه يقوم بالبحث عنه منذ 5 أيام على أمل أن يتمكن من الوصول إليه. "وبإذن الله لو وصلتله هعمل معاه لايف ولو معاه رقم تليفون هخليه يقولوا علشان اللي يقدر يساعد بأي حاجه حتى لو هيوصل صوته لحد ف تابعوا وبإذن الله ربنا هيكرمنا ونلاقيه".

وذكر أن "في ناس كتير بتقول إنه اسمه محمد سلطان ومن البحيرة وليه فيديوهات.. أنا اتفرجت على كذا فيديو ليه بس حقيقي اختلاف الصوت واضح بغض النظر عن جمال صوته ماشاء الله بس في اختلاف كبير في الصوت مابينهم".