في الشتاء تكثر آلام العظام..كيف تحافظ عليها؟

بقلم | محمد جمال حليم | الاربعاء 25 نوفمبر 2020 - 08:40 م

مع دخول الشتاء يشكو الكثيرون من آلام المفاصل والعظام بصفة عامة وخاصة كبار السن أشهر أفيه عن وجع العظم بقى هو سبب مشاكلنا خصوصاً على دخلة الشتاء.

يؤكد الدكتور أحمد أبو النصر استاذ الطب البديل أستاذ الطب البديل والعلاج بالنبتات الطبية أن جلدك وعظمك وأطرافك في هذه الفترة من العام يتأثروا جدا بل يتجمدوا حرفيًا..

وضيف في منشور له على صفحته الرسمية على الفيس بوك أن وجع العظام ممكن كمان يجيلنا بسبب الهشاشة .. اللي بتخليك في خُف البسكوتة قادر تتكسر بسهولة.

هشاشة العظام:

ويوضح: حد يعرف هشاشة العظام بتتكون إزاي! الكالسيوم رقم واحد في الأسباب بس مش الوحيد .. عظامك هي المخزن اللي فيها كالسيوم لو الدم نسبة الكالسيوم فيه قلت .. هيجري على العظام ياخد من اللي عندها .. وعملية البناء اللي عظامك شغالة تعملها ليل ونهار هتوقف .. لا فيه كالسيوم ولا فيه كولاچين .. يعني لو أتكعبلت في الشارع عادي جداً تسمع صوت مفاصلك ..

دة غير إن إنخفاض هرمون الأستروچين مع سن اليأس بيخلي الستات مُعرضين لـ دة أكتر .. وخلل هرمونات الغدة الدرقية خصوصاً لو نشاط عشان هما كمان يعتبروا مخزن ..

والكبير جداً بقى (ڤيتامين د) .. المهم جداً والمُهمش جداً من حساباتنا .. أنا أعرف ناس لا بتحب قعدة الشمس ولا بتشرب لبن ولا بتاكل بيض .. طب ڤيتامين د على ما يتجمع عندكوا هتكونوا أنحنيتوا ..

يبقى إيه الحل بقى : نظبط مستوى الهرمونات منها (الأستروچين / التستوستيرون / الغدة الدرقية) .. نظبط نسب الكالسيوم في الدم .. نظبط مستوى ڤيتامين د ..

وناخد مكملاتنا ونلعب رياضة وكفاية بقى تعب من هيبقى من جوا وبرا كمان.