أخبار

فيس بوك تضع هذا القيد على خاصية الشير" المشاركة " بهدف منع المعلومات المضللة

التسمم الغذائي .. هادم لذات العيد وفرحته

الصحة العالمية توضح الفروق بين اختبارات كورونا

هل يجوز للأب أن يدفع زكاة الفطر لابنه العاطل؟

زفافي بعد العيد مباشرة وأتناول مضادات اكتئاب فهل تؤثر على الرغبة الجنسية؟

دار الإفتاء المصرية .. الخميس أول أيام عيد الفطر المبارك

4مأكولات يجب تجنبها لتفادي التعرض للاضطرابات المعوية وانتفاخ المعدة مع نهاية رمضان

مواقيت الصلاة وموعد آذان المغرب الثلاثاء 29 رمضان بتوقيت القاهرة .. داوم واستمر

بصوت عمرو خالد.. دعاء وتوسل إلى الله فى اليوم التاسع والعشرون من رمضان

أذكار المساء .. من قالها كتبت له الف حسنة وحطت عنه الف خطيئة

في تعاون مشترك بين عمرو خالد ومحمد هشام.. قصة الست الأصيلة "هو ده اللي هاتقدري تعيشي معاه مطمنة"

بقلم | مصطفى محمد | الاحد 28 يونيو 2020 - 11:14 م
Advertisements
في تعاون مشترك بين الداعية الإسلامي الدكتور عمرو خالد والإعلامي محمد هشام، نشرت الصفحة الرسمية للداعية الإسلامي على موقع "يوتيوب" مقطع فيديو لهما يسردا فيه قصة زواج وحب غير تقليدية تثبت أن الحب النقي النضيف اعظم نعمة من الله على عبادة.
يقول الدكتور عمرو خالد "الحب بين الرجل والمرأه هو من أجمل ما في الحياة .. لكن نادرًا ما يجد الرجل امرأته الكاملة ونادرًا ما تجد المرأه رجلها الكامل فإذا لقوا بعض فدية أحلى نعمة يمن بها ربنا على عباده".
ويلتقط الإعلامي محمد هشام أطراف الحديث، مستكملا "هي بتحكي وبتقول : أنا من أسرة متوسطة .. وإختارته من وسط كتير إتقدمو لي رغم إنه مكنش أغناهم .. كان كله بيتكلم عن المهر والشبكة والقايمة .. لكن هو الوحيد اللي قالي جملة عمري ما بنساها لحد دلوقتي .. قالي : رغم إني معنديش شغل مستقر وحياتي المادية لسه ببنيها لكن أنا هتقي ربنا فيكي وهكافح معاكي لآخر نفس ..الجملة هزتني وحسيت إن ربنا بيقولي هو ده اللي تقدري تعيشي معاه مطمنة .. وفعلا عشت معاه أجمل أيام حياتي اللي كان كلها مودة وحب لحد ما ربنا كرمه ونجح في شغله ومن يومها وهو مستحيل يخلي نفسي في حاجة.. عشت معاه كحبيب وزوج فوالله مالقيت زيه .. ده كفاية حضنه في وقت زعلي ولا نظرته اللي بتدفيني.. كفاية كلمته الحلوة وجبر خاطري .. حتى في أوقات غضبه عمره ما قال حاجة تهيني أو تقلل مني .. كان بيعلمني وبيوجهني كأني بنته .. دايمًا مبتسم في وشي .. حنين كريم رحيم بي".
الحب بيعيش بالبذل والعطاء، يقول د. عمرو خالد، "ازرع الحب تحصد الحب .. اسقي الحب زي ما بتسقي الورد والزرع .. واعظم عطاء يديه الرجل للمرأه .. الرحمة، الحنية، القلب الواسع يحتويها ويكرمها.. والمرأه لو لقت راجل يعمل معاها كده بتشيله في عنيها العمر كله".
ويتابع الإعلامي محمد هشام سرد القصة بالقول "وفي يوم رجع من الشغل زعلان ووشه متضايق وقعد على الكنبة وقالي "..أنا بقالي فترة مزنوق جدا وبخسر في شغلي لكن مكنتش عايز اشيلك هم .. انا لو عليا مش فارقة ..لكني حزين إني مش هقدر أجيبلك اللي إنتي بتطلبيه
بتقول : حضنته ..حضنته وبس ..سكت تماما ..حسيت بدموعه ..للمرة الأولى اللي يعيط فيها ويسيب نفسه بالشكل ده ..عيط بشراهة زي الجعان ..ضميته أوي وقلتله :والله أنا ما عاوزة غيرك ..أقسم بالله إنت وجودك معايا بالدنيا كلها ..إنت حياتي والحياة من غيرك موت..أنا مش عاوزة حاجة ..أنا عاوزاك إنت .. عاوزاك جنبي سندي وضهري"
وفجأة لقيته ساكن بين إيديا لفترة طولت خلتني أقلق عليه .. بدأت أهزه لقيته مبيتحركش .. صرخت وبدأت أحركه بعنف لكن مكنش فيه أي إستجابة .. جريت على التليفون وطلبت الإسعاف وأنا منهارة وببكي .. أنا مش عاوزة حاجة من الدنيا غير وجوده جنبي .. أنا مش عاوزة غير حنيته وطبطبته عليا .. الإسعاف جت وروحنا المستشفى وأنا عمالة أدعي ربنا وأقوله يارب أنا محتاجاه .. يارب خد كل حاجة وسيبهولي .. كشفوا عليه وعملوا اللازم وبدأ يفوق .. لكن للأسف مكنش شايف أي حاجة .. عنيه مش شايفة إلا ضلمة .. أول ما فاق نده عليا وحس بوجودي .. جريت عليه ومسكت إيده وسألته حاسس بإيه .. قالي : أنا مش شايف أي حاجة".

وأردف الدكتور عمرو خالد بالقول "عايز تعرف الست الأصيلة .. تعرفها في وقت الشدة حتقف جنبك ولا حتبيعك .. اوعه تتجوز بالشكل والمظهر وبس.. دور على البنت الأصيلة بنت الناس الطيبين .. هي دية أحلى وأجمل ست في الدنيا".

اقرأ أيضا:

بصوت عمرو خالد.. دعاء وتوسل إلى الله فى اليوم التاسع والعشرون من رمضانويستكمل الإعلامي محمد هشام "إحساس الفقد إحساس مرعب .. لما تحس إن أغلى حاجة عندك ممكن تروح منك في ثانية .. بتبقى متشعبط فيها زي الطفل المتشعبط في لعبته اللي هي أغلى ما يملك .. طلبوا مني في المستشفى مبلغ تحت الحساب من أجمالي 200 ألف جنيه لأنه لازم يدخل العميات عشان يعالجوا خلايا المخ اللي إتأثرت بسبب الإرتفاع الشديد في ضغط الدم واللي أثرت على العصب البصري نتيجة الصدمة النفسية .. جريت على البيت واخدت دهبي كله وبعته وبعت كمان عربيتي الصغيرة اللي كان جايبهالي هدية .. وكده بقى معايا حوالي 250 ألف جنيه .. دفعت كل فلوس العملية وجبت الأدوية اللي طلبوها عشانه وسبت معايا قرشين أصرف منهم لكني مكنتش أعرف إن الموضوع هيطول .. بعد ما خرج من العمليات دخل في غيبوبة لمدة سنة كاملة .. سنة كاملة وأنا جنبه تحت رجله .. بفرش على الأرض جنب سريره وأنام .. باخد بالي منه وبرعاه وبتسند عليه حتى وهو مش واعي ليا".
ويضيف الداعية الإسلامي"يا ترى وهو غايب عن الوعي لمدة سنة .. كان بيحس بيها ولا لأ .. النبي علمنا إن الأرواح جنود مجندة .. أيوه الأرواح بتتقابل .. وزي ما ربنا بيرضى عن المؤمنين المتقين ويوفقهم .. بيرضى كمان عن الأزواج الطيبين الأنقياء اللي بيحبوا بعض أوي ...ويجمع أرواحهم في عالم الأرواح قبل عالم الأجساد".
ويوضح الإعلامي محمد هشام "سألتها وكان بيحس بيكي ؟ .. ردت وقالت : مكانش بيحس إلا بيا .. بشوفه بيرمش بعينه .. بكلمه وبحكيله وبشكيله وبحضنه وبقوله كل حاجة حصلت وبتحصل .. جوزي ده مفيش زيه .. انا بحبه وعمري ما هسيبه وعاهدت نفسي إني هفضل جنبه في سرير المستشفى تحت رجله مهما طالت الأيام والسنين ..أنا خلصت فلوسي كلها ويعتبر بعت عفش بيتي كله عشان بس يفوق ويرجع يعيش في حضني من تاني .. عشان أحس بلمسته وصوته .. عشان يرد فيا الروح مرة تانية .. وفي ليلة وأنا جنبه لقيتني بقوله : أنا عارفة إنك مش سامعني بس حابة أقولك إن اللي أنا عملته كله ميجيش حاجة قدام حبك وحنيتك وخوفك عليا..هو مش إنت اللي جاييلي كل ده .. ابقى هاتلي غيرهم يا حبيبي لما ترجعلي بالسلامة ..بس حبك عندي ووجودك جنبي ميعوضهوش كنوز الدنيا.. حسيت بايده بتضم ايدي وكانه بيقولي "والله لأعوضك"
وكملت بإبتسامة : ورجع جوزي للحياة من تاني .. رجع يمشي على رجله ورجعت لي روحي .. صحيح بعد فترة تعب وعرق .. ولحد اللحظة اللي بكلمك فيها دي جوزي لسه حالته متعسرة ماديًا .. لكن أجمل حاجة في الحياة هي صحبة رجل وأمرأه يحبوا بعض ويرحموا بعض.
ويتابع الدكتور "خالد": "الحب النقي النضيف اعظم نعمة من الله على عبادة ..ادعي من كل قلبك إن ربنا يرزقك الحب النقي اللي يدفعك للأمام .. اتقي ربنا في حياتكعشان ربنا يبعث لك الحب ده .. أصله عطاء نادر لكنه أجمل عطاء لمن يتقي  ربنا و يصبر لحد ما يبعت لك الحب اللي يسعد حياتك".

واستكمل الإعلامي محمد هشام الحديث قائلا: "هو ده الحب يا جماعة .. سنة كاملة معاه في المستشفى لا كلت ولا ملت .. لا زهقت ولا طلبت طلاق.. دي رضيت وإتمسكت بيه لآخر يوم .. كانت سنده يوم ما إتخلى عنه الكل .. الحب هو السلاح اللي ممكن تقف بيه قدام العالم كله .. السند مش سند فلوس .. هو دخل في غيبوبة ومسابش فلوس .. بس ساب حبيبة وزوجة حاضناه لآخر يوم في عمرها .. لأن القصة مش قصة جسد .. القصة أرواح بتتلاقى .. أرواح عايشة مع بعضها وليها لغة منفهمهاش إحنا .. الحب هو الدوا المجاني اللي بأمر ربك خلاه يقوم بالسلامة من غير ملايين ولا مليارات".
وخلص الداعية الإسلامي د. عمرو خالد إلى أن "أجمل ما قرأت عن قول الله " رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ" إن إذا كانت حسنة الأخره هي الجنة فلازم حسنة الدنيا تكون قريبة منها .. قال علماء المسلمين زمان ومافيش زي الجنة في الدنيا إلا حب كبير يجمع زوج وزوجه .. تخيلوا ده اللي كتب في كتب الدين عن الحب.. يارب يرزقكم يابنات و ياشباب حب جميل نقي نضيف .. يسعد حياتكم كلها".

اقرأ أيضا:

كيف تتعامل مع حد شتمك أو أذاك في الحياة؟.. د. عمرو خالد يجيب

اقرأ أيضا:

للمتزوجين.. كيف تحافظون على الحب والعاطفة رغم منغصات ومتطلبات الحياة؟

اقرأ أيضا:

عمرو خالد يدعو: دعاء وتضرع إلى الله فى ختام الليالي الوترية ولأهلنا فى المسجد الأقصى وفلسطين

الكلمات المفتاحية

عمرو خالد محمد هشام بناء إنسان تنمية بشرية تطوير الذات الحب زواج زوج زوجة

موضوعات ذات صلة

amrkhaled

amrkhaled في تعاون مشترك بين الداعية الإسلامي الدكتور عمرو خالد والإعلامي محمد هشام، نشرت الصفحة الرسمية للداعية الإسلامي على موقع "يوتيوب" مقطع فيديو لهما يسرد