كثيرون يشكون من زيادة الوزن وعدم استطاعتهم التحكم فيما يأكلون خاصة النشويات والسكريات.

يؤكد الدكتور أحمد أبو النصر أستاذ الطب البديل أن اخطر ما يواجه مريض السمنة النشويان وخاصة الأرز الأبيض والمكرونة.

ويضيف في منشور له على صفحته الرسمية على الفيس بوك أن إصرار البعض على تناول الأغذية غير المفيدة والتي تسبب أضرار بالغة بالصحة هو اكثر ما يؤدي للسمنة ويزيد نسبة السكر في الدم.

ويوضح: فيه ناس لازم في وجبتها يكون فيه أرز أو مكرونة وبالذات الأرز مع الطبيخ .. مابيستغنوش عنهم بس يرجعوا يشتكوا منه .. دة عملي إمساك ، دة بيتخني جداً ، طب أنا مريض سكر ومش قادر ماكُلش أرز .. وهكذا بقى في كل نظام أكل بنصح بيه ..

بديل الأرز:

الأرز الأبيض تحديداً مش أفضل حاجة تملى بيها معدتك في الغدا .. بس ممكن نبدلُه :

فيه الأرز البُني ، صحي أكتر ، بيشبع أسرع ، كويس للهضم والمعدة ، بيزود الكوليسترول الجيد ..

فيه الكينوا ، بيتهضم بسهولة ، وبيقلل الكوليسترول الضار ، فيه كربوهيدرات وألياف طبيعية ، بيشبع برضو وبروتين عالي وجلوتين صفر ..

الفريك حلو لمرضى السكري وكمان سعراته الحرارية قليلة ..

البرغل كويس وبيشبع بس فيه جلوتين ودي مشكلته ..

أحلى حاجة في بتوع الكيتو إنهم بيبدلوا دة كله بأرز خضار بيعملوه هما ،، أرز القرنبيط / أرز البروكلي / أرز القرع .. أي حاجة الكربوهيدرات فيها قليلة وفيها دهون مشبعة ..

فيه ناس تانية خالص عندها إرادة تبدل الأرز بخضار على البخار ، بـ شوربة عدس ،، حاجات تملى البطن وصحية على ما الأكل ينزل ياخد اللي يكفي اللي باقي من جوعه وخلاص كدة الوجبة إكتملت ..

الأرز الأبيض مش مفيد ، وبيلكم ، وبيتخن ، وتقيل .. فيه ناس ماعندهاش إختيار تاني متواجد أو يقدروا عليه ، تمام .. بس كل ما زاد حده أتقلب ضده .