تكيس المبايض.. مشكلة وهذه أبسط الحلول لها

بقلم | محمد جمال حليم | السبت 29 اغسطس 2020 - 09:39 م

يؤكد الدكتور أحمد أبو النصر أستاذ الطب البديل أن مشكلة تكيس المبايض ولخبطة الهرمونات وعدم انتظام الدورة الشهرية من المشكلات التي تؤرق النساء وتحدث حالة من الذعر بينهن.

ويضيف في منشور له على صفحته الرسمية على الفيس بوك أنه في الأساس إحنا بنتكلم عن مبيضين في الجهاز التناسلي بيطلقوا البويضات والهرمونات الجنسية ..

تكيس المبايض بسببه بيحصل عدم إنتظام في الدورة الشهرية وبيرتفع هرمون الأندروجين (هرمون من هرمونات الذكورة) ..

وبيحصل نمو الحويصلات بدون أي تطور للتخصيب ، وبالتالي مشاكل في الحمل.

أسباب تكيس المبايض:

من أسباب تكيس المبايض الوراثة أحياناً ، السمنة ، ومقاومة الأنسولين.

نتكلم عن سبب مقاومة الأنسولين وعلاقته بتكيس المبايض أصلاً.

لو حصل مقاومة الأنسولين الجسم بيحاول التعويض عن طريق إفراز المزيد والمزيد حد الإفراط في الأنسولين ، ودة بيدفع المبايض إنها تنتج الأندروجين أكتر والتستوستيرون كمان ودة إحنا مش عايزينُه عشان عملية الإباضة تبقى طبيعية وعشان مايطلعش شعر زايد في الجسم ويوقع مكانه شعر الرآس وتقل الخصوبة ..

ومقاومة الأنسولين عادة بتحصل من نظام غذائي غلط تماماً وقلة نشاط والإصابة بالسكري من النوع الثاني ..

الوقاية من تكيس المبايض:

طب لو أنتي مش عايزاه يجيلك هتحتاج تعملي عكس كل دة ، تكشفي بدري / تاكلي صح وكويس / تحافظي على وزنك ..

لو عندك بالفعل تكيس مبايض سارعي شوية في علاجه عشان الهرمونات وجسمك وخصوبتك وكلما كان العلاج مبكرا كان أفضل.