باقة النت تنتهي سريعًا.. لا تحزن هذا هو لحل

بقلم | محمد جمال حليم | الخميس 30 يوليو 2020 - 08:40 م

إذا كانت باقة النت الأرضى بتاعتى (الواى فاى) بتخلص بسرعة وبجددها كل 10 أيام تقريبا وبعدين عملت شوية حاجات خلت الباقة تقعد لأخر الشهر ومش بتخلص .. هما أربع خطوات ببساطة جدا تعملهم ..

1- أول حاجة تخفى الواى فاى بتاعك علشان محدش يهكر عليك ويستهلك باقتك بدون ماتعرف ، ومحدش يوصله غير الى انت عاوزهم بس ودا ممكن تعمله عن طريق الفيديو دا.

2- تانى حاجة ودى أهم حاجة تقلل سرعة الشبكة .. لان شركة الاتصالات زودت سرعة الانترنت من 5 ميجا الى 30 ميجا بعد تحديث خطوط الكابلات بالفايبر .. وبالتالى بقى الموبايل أو اللاب بيستهلك الباقة بسرعة جدا علشان بيشتغل على أعلى سرعة موجودة وأعلى جودة للفيديوهات .. لكن فعليا انت لو قللت سرعة الشبكة ل 5 ميجا او 8 ميجا هتكون كويسة وسريعة معاك جدا وهتقلل استهلاك الباقة بشمل واضح , وممكن تحدد سرعة الراوتر نفسه لكل الناس أو تحدد السرعة لكل مستخدم لوحده زى الأطفال مثلا أو أى حد بيشغل فيديوهات علطول .. ودا ممكن تعرفه عن طريق الفيديو دا.

https://www.youtube.com/watch?v=4_dkZo8F_sM

3- بعدين تتأكد ان كل الى بيستخدم الواى فاى عندك قافلين تحديث البرامج والوندوز على الموبايلات واللابات علشان دا بيستهلك الباقة بشكل كبير خالص و بدون ما تعرف ، ودا من خلال play store على الموبايل أو control panel على اللاب.

4- رابعا ومهم جدا تتأكد إن كل الى بيستخدم النت بيقللوا جودة الفيديوهات لجودة مناسبة مش عالية جدا يعنى مثلا 360 او 480 هتكون حلوة جدا وممكن أقل من كدا لو فيديوهات صوتية .. لكن سرعة 1080 او 720 مع الأفلام والمسلسلات الطويلة هتستهلك الباقة بسرعة جدا.

5- آخر حاجة بتدخل على صفحة الراوتر بتلاقي اختيار اسمه wps بتعمله disabled ,زي اللي ف الصوره مش حاجة صعبة يعني ، بس بتفرق انها بتصعب المهمة قوي على اللي بيحاولوا يهكروا الواي فاي بتاعك.