استيقظت فوجدت كدمات في جسمي بدون سبب.. فما تفسير ذلك؟

بقلم | محمد جمال حليم | الاثنين 14 سبتمبر 2020 - 08:40 م

أحيانا ما تظهر كدمات على جسم الإنسان لا يعلم لها تفسيرًا محددًا، يعزو بعض هؤلاء هذه العلامات لمس من الجن وغير ذلك فهل لها تفسير علمي؟

الدكتور أحمد أبو النصر أستاذ الطب البديل والعلاج بالنباتات الطبية يؤكد أن الكدمات في الأصل هي إصابة أو نزيف في الأوعية الدموية الذي تحت الجلد واتجمعت كلها في مكان واحد في محاولة منها إنها تنفجر برا الجلد.

أسباب الكدمات:

ويضيف خلال منشور له على صفحته الرسمية على الفيس بوك أن أسباب الكدمات كثيرة فمن الممكن أن تكون نتيجة إصابة أو لكمة دون أن تشعر، كما يمكن أن تكون بسبب أدوية السيولة عمال على بطال زي الأسبرين وأشباهه وكمان شرب مشروبات مميعات الدم زي الزنجبيل وأكل الثوم .. ومضادات الاكتئاب بدون أمر طبيب .. ونقص ڤيتامين C وڤيتامين K، والكحوليات اللي بتخلي الكبد عاجز عن إنتاج البروتينات اللي بتساعد في تجلط الدم فيحصل نزيف .. ونقص الصفائح الدموية .. أدوية الكورتيزون طبعًا.

مع الكدمات اللي وراها حالة صحية بيكون فيه نزيف مهبلي وسخونة أطراف وصدمات نفسية.. والأغلب إن الكدمات بتظهر للستات أكتر والكبار في السن.

علاج الكدمات:

ويوضح أنه لو عندك الكدمات دي بتظهر كتير وبتخاف من شكلها ومش عارف لها سبب أفهم إنها تجمع دموي محتاج يتفض ومش هيفضُه غير إننا نعوض نقص ڤيتامين C بحاجة زي أسكوربيك أسيد وڤيتامين K زي الميناكينون اللي أتكلمت عنه قبل كدة. ولو أنت متابع معايا أكيد فاهم دور الكوركمين في موضوع السيولة دة كويس.