الغدة الدرقية لها أهمية كبرى .. لهذه الأسباب

بقلم | محمد جمال حليم | الاحد 20 سبتمبر 2020 - 08:40 م

يؤكد الدكتور أحمد أبو النصر أستاذ الطب البديل والعلاج بالنباتات الطبية أن الغدة الدرقية لها أهمية قصوى في جسم الإنسان وأي اختلال في زظائفها يترتب عليه أضرار بالغة.

ويضيف في منشور له على صفحته الرسمية على الفيس بوك أن هذه الغدة تشبه الفراشة وتوجد تحت الرقبة ولها وظضائف كثيرة أهمها:

-تتحكم في الضغط.

-نبضات القلب.

-درجة حرارة الجسم.

-الوزن.

-الوظائف الحيوية.

-بها هرمون مسئول عن عملية التمثيل الغذائي لجسمك أول ما يزيد معناها إن عندك نشاط غده..

-لها علاقة بالعصبية. ودة اللي ممكن يبرر عصبيتك المبالغ فيها مع حساسية جسمك تجاه أي حرارة وأحياناً برودة أطرافك .. تقلباتك المزاجية وإرهاقك الدائم .. وزنك بيقل بدون سبب .. تحت الفك فيه تضخم .. إنقباضات الأمعاء ومش عارف تنام .. شعرك بيوقع وجلدك بيترقق .. ولو أنتي ست وعندك هتلاقي لخبطة في الدورة الشهرية ومشاكل في الخصوبة كمان ..

ويوضح أن أكثر الأسباب شيوعاً هو جهاز المناعة عشان كدة عمال على بطال بقولكوا ركزوا مع مناعتكوا شوية .. وفيه ألتهاب وعقيدات الغدة ودول شرط أساسي كُتر اليود في جسمك .. المهم فيه حاجة إسمها (غريفز) دة إضطراب جهاز المناعة بيصيب في الأغلب الستات ما قبل الـ ٤٠ بيورم العين وبيخليها جاحظة ومنتفخة وتشوش رؤية بيوصل لعدم رؤية شوية.

احتياطات ضرورية لغدة سليمة:

ويستطرد: محتاج إيه يظبط النشاط دة ؟ أبعد عن اليود شوية .. خد أسكوربيك أسيد (ڤيتامين سي) عشان مناعتك .. ومعاك القسط الهندي عشان يعالج الإضطرابات دي .. بذور الجرجير مش الورق بتحد من إنتاج هرمون الغده وكويسة كمان للشعر اللي بيوقع دة .. فيه نبات معروف في مُجتمع الطب البديل بإسم المازر وارت دة بتاع نشاط الغده بس مخلوق عشان العلاج دة بصورة أكبر ..

مع تظبيط أكلك وعلاجك كل حاجة هتبقى تمام ..