دراسات كثير أكدت أضرار النوم بعد الأكل وأثره السلبي على الصحة العامة.

يؤكد الدكتور أحمد أبو النصر أستاذ الطب البديل والعلاج بالنبتات الطبية أن

الأكل قبل النوم يجهد عضلة القلب لو أنت مريض سكري أو ضغط عالي.

ويضيف في منشور له على صفحته الرسمية على الفيس بوك أنه  لو نظامك أكلك كله دهون .. لو عندك مشاكل في الكلى ووزنك زيادة .. كل دي أسباب ممكن تعرضك لتصلب الشرايين .. وتصلب الشرايين بالمناسبة  لا يؤثر على القلب فقط لا بل يؤثر أيضا على الشرايين التي تتأذى من الأسباب دي زي شرايين دماغك وتعملك سكتة دماغية، وشرايين ساقيك وممكن توصل لغرغرينا ، وشرايين الأمعاء اللي بيموت جزء منها، كل هذا ممكن يحصل لو حصلك تصلب في الشرايين ..

ويوضح أبو النصر أن فحوصات الكلى والكبد والدهون والكوليسترول مهمين جداً يكونوا بشكل دوري في حياتك عشان دول مصدر أمراض كتير ممكن يتلحقوا بمجرد معرفتك بدل ما تدخل في سكة العمليات والأدوية اللي هتفضل ملازماك باقي حياتك ..

ويستطرد: لو نتيجة تحاليلك اكتشفت إن الكوليسترول الضار عندك عالي مع الضغط يبقى هتحتاج تنزلهم في أسرع وقت عن طريق خميرة الأرز الأحمر اللي بتخفض الكوليسترول الضار وبترجعه لمعدله الطبيعي مع حبة البركة عشان نخفض الضغط .. مع مدرات بول زي المدره المخزنية وهي جايه من أسمها وكمان بتخسس بسبب تخلصها من سوائل الجسم .. ومانع لتخثر الدم عشان تصفي شرايينك ..

وتنام كويس .. تلعب رياضة .. تخف إنفعالات وإجهاد نفسي .. وتبطل تدخين .. وزي ما قولتلك تحاليلك الدورية مهمة .