مشكلة الغازات تحرجني خاصة في رمضان.. لا تقلق هذا هو الحل

بقلم | محمد جمال حليم | الثلاثاء 25 فبراير 2025 - 12:49 م

تعد مشكلة الغازات والانتفاخات إحدى المشاكل التي المحرجة التي يتعرض لها البعض خاصة لمن يعاني مشكلات صحية في القولون.

يبين الدكتور أحمد أبو النصر أستاذ الطب البديل والعلاج بالنباتات الطبية أن المشكلة تزداد في رمضان بسبب بعض السلوكيات الغذائية الخاطئة، موضحًا أن مشكلة الانتفاخات من المشكلات المحرجة لكثرة الغازات الكثيرة وانتظام الصلاة في رمضان .. هذا الموضوع ممكن يبقى مُتعب ومُقلق في كل أيام السنة سواء فيه صلاة أو لا ..

ويضيف في منشور له على صفحته الرسمية على الفيس بوك أنه في رمضان فيه ناس بتحب تصلي في الجامع .. وفيه ناس تصلي وتعود لتكمل .. فـمشكلة زي مشكلة الغازات بتبقى عائق كبير يسبب ضياع وقت طويل وتعب معدة طول وقت الصيام كمان ..

حل مشكلة الغازات:

وعن أهم طرق حل مشكلة الغازات كما يوضح د. أبو النصر أن يتم مراعاة عدة أمور منها:

-وأنت بتاكل كُل براحة وحاول تقفل فمك حتى لا تبلع هواء مع الأكل ..

-قلل من الأكلات اللي عارف إنها بتعملك انتفاخ مثل الكرنب/ البروكلي/ القرنبيط / الفول/ المشروبات الغازية ..

-لو عندك قولون عصبي أنت طبيعي لو مش بتعالجه أو واخد بالك من اللي بيزعله وبيخليه ينكد عليك ألم وحرقان وغازات إنك تتعرض لـهذا.

-تابعوا هرمون الأستروچين والبروچسترون عشان ارتفاعهم سبب ..

-الحليب ومنتجاته نقلل منه قد ما نقدر برضو عشان ممكن يبقى عندك مشكلة هضم اللاكتوز وأنت مش عارف ..

-مرضى القرحة والسكري .

ويذكر أن هناك بعض الأعشاب تساعدك في التخلص من هذه المشكلة، قائلا: "سيب القهوة والشاي شوية وأشرب ميكس نعناع بشمر.. أو كوباية كمون تخلصك من كل دة .. كوباية زبادي عليها رشة قرفة .. كوباية الماء بخل تفاح قبل كل وجبة .. والزنجبيل طبعاً لو مش مريض ضغط يسهلك الهضم والالتهابات".

حاولوا تهضموا أكتر في الأكل وتتحركوا بعدها .. وجربوا المشروبات دي .. آه وزود شاي بالقرنفل ..