يؤكد الدكتور أحمد أبو النصر أخصائي الطب البديل والعلاج بالأعشاب الطبية أن قشر البطيخ الذي يرميه الكثيرون له فوائد عدة.

ويضيف: أن قشر البطيخ وخصوصاً الجزء الأبيض مش الأخضر أتعمل عليه ما لا يقل عن ٣١ دراسة، موضحا أن الجزء الأبيض دة فيه مادة فعالة إسمها الكاروتينات .. وفيه حمض سترولين بيتحول لـ أرچنين ، حمض الأرچنين اللي من الأحماض الأمينية النصف أساسية بتخلق عنصر النيتروچين اللي الجسم مابيعرفش يخلقها.

ويوضح أن لقشر البطيخ فوائد كثيرة فأنت محتاج ١٠٠ جرام من قشر البطيخ دة بيوفرلك من الأرچنين دة ٢.٥ أو ٣ جرام ،، وباقي الـ ١٠٠ جرام ألياف وماء وبوتاسيوم ، الـ ١٠٠ جرام دول بقى بيعملوا إيه ؟ بيمسح تصلب الشرايين زي المكنسه بالظبط.

ومن فوائده أيضا كما أكد د. أبو النصر أنه يهدي وجع عضلاتك بعد الرياضة، ولو بتشرب مشروبات طاقة طبيعية هتلاقي من مكوناتها قشر البطيخ، كما يعالج ضعف عضلة القلب بما إن المرض دة مش بيتشربله ماء كتير، ويظبط حركة الحيوانات المنوية وعددها ، يعني علاج ضعف الجنس ، يعني يخلي المصنع يشتغل أحسن وينتج أفضل، أيضا الكبد الدهني بأسبابه كُل عشانهم القشر الأبيض من البطيخ هيفيدك،

وينوه: لو أنت مريض ضغط محتاج ٢٠٠ جرام مش ١٠٠ فقط.