يؤكد الدكتور أحمد أبو النصر أستاذ الطب البديل والعلاج بالنباتات الطبية أن  الخطورة تكمن في إهمال الأعراض الزائدة.

ويضيف في منشور له على صفحته الرسمية على الفيس بوك أسباب أيضا الالتهاب الرئوي الذي يواجه معظمنا الفترة الماضية.. ومشاكل القلب من حيث عدم انتظام ضربات القلب ولو المشكلة كبيرة زي ذبحة أو نوبة بيسبقهم ضيق تنفس حاد .. السمنة سبب في ضيق التنفس عشان بتتعب من أقل مجهود .. فقر الدم سبب لأن فقر كرات الدم الحمراء معناها قلة الأكسچين في دمك .. التدخين سبب وهيفضل سبب .. الحمل وخصوصاً في الأشهر الأولى .. القلق والتوتر بيخلوا نبضات قلبك يا سريعة أوي يا منخفضة وبالتالي بتحاول تلقط أنفاسك بسرعة عشان مش عارف تعمل كدة طبيعيي.

ويلفت " أبو النصر" إلى أن القولون العصبي سبب وسبب كبير كمان، الجهاز العصبي اللإرادي هو اللي بيتحكم في القولون ومن أعصاب الجهاز ده العصب الحائر ودة اللي بينظملك عملية التنفس ودقات القلب فبالتالي بعد أي عصبية أو زعل أو وجبة غلط تحس بنغزة وضيق تنفس وجسمك بيسخن.

ضيق التنفس مش مُقتصر على مرض .. ممكن عرض بسيط ومحتاج منك إهتمام .. محتاج موسع للشعب الهوائية .. محتاج إذابة البلغم اللي على صدرك .. محتاج تعالج التهاب .. أنت محتاج تعرف السبب وتفرز أعراضك عشان تعرف تحل المشكلة دي بدل ما كل مرة بتجري على أي بلكونة تحاول تلقط كام نفس هوا يلحقوك.

وفي أحيانًا يعد ضيق النفس خطيرا ولا يمكن إهماله أو إغفاله  ومن هذه العلامات التي تدل على وجود خطر في الجهاز التنفسي ألا تستطيع التنفس بسهولة بعد القيام بمجهود بسيط أو خلال الاستراحة، أو عند الاستيقاظ من النوم في الليل، مع الشعور بضيق التنفس، أو عند الحاجة لاستخدام عدد من الوسائد تحت الرأس من أجل منع حدوث ضيق التنفس أثناء النوم، ففي مثل هذه الحالات، يكون ضيق التنفس إشارة خطيرة، ومن المفضل، عندها، التوجه للطبيب ليقوم بتقييم حالتكم الصحية على وجه السرعة.