أخبار

العثور على خاتم زواج بعد 5سنوات من فقده على الشاطئ

ليس هناك أعمق من هذا القول

لماذا أمرنا الله أن ندعوه بأسمائه الحسنى؟ (الشعراوي يجيب)

دراسة: الابتسامة تجعل "الحقن" أقل إيلامًا

تعاني من الكوابيس الليلية؟.. إليك طريقة التخلص منها

أصغر ملياردير عصامي في العالم.. عمره 25عامًا فقط

د. عمرو خالد يكتب: لماذا كتب الله على نفسه الرحمة ولم يكتب على نفسه الانتقام؟

لموسم الشتاء.. 5 أغذية مفيدة لمواجهة التهاب الحلق

لو أجبرت على وضع لا تقبله.. ابتسم "وعسى أن تكرهوا شيئًا"!

قصة المرأة المجذومة مع الفاروق عمر.. ولماذا كانت تهابه السيدة عائشة؟

قصة السيدة العذراء الصديقة “مريم بنت عمران” كما لم تسمع من قبل

بقلم | مصطفى محمد | الخميس 09 ابريل 2020 - 02:01 ص
Advertisements
يسرد الداعية الإسلامي الدكتور عمرو خالد، خلال مقطع الفيديو المنشور على صفحته الرسمية على موقع "يوتيوب" قصة من قصص القرآن الكريم ألا وهو قصة السيدة العذراء الصديقة مريم بنت عمران رضي الله عنها.
ويقول "خالد": "عايز تعرف منزلة مريم؟ المرأة الوحيدة اللي ذكرت باسمها في القرآن، يعني بقية النساء في القرآن، يقول لك :أم موسي، "وَأَوْحَيْنَا إِلَى أُمِّ مُوسَى" [القصص : 7] ، يقول لك: امرأة فرعون، لكنها الوحيدة المذكورة باسمها في القرآن، ومذكورة كام مرة؟ 33 مرة، بعدد سجدات اليوم، مش إحنا بنسجد في اليوم 33 مرة، أصلها كثيرة السجود، وبعدين خلي بالك هي ذكرت كده أكتر من بعض الأنبياء في القرآن،لا وسورة باسمها، وبعدين النبي يقول لك إيه؟:"أفضل نساء أهل الجنة أربعة: خديجة بنت خويلد، ومريم بنت عمران، وآسيا امرأة فرعون، وفاطمة بنت محمد" اتنين ستات كبار، واتنين بنات؛ مريم فتاة، وفاطمة بنت محمد كانت في سنها 18 19 سنة، يا! ، ويقول لك: "لم يكمل من النساء أحد مثل مريم وآسيا" من الناس اللي اكتملت كامرأة في علقها ورحمتها وصبرها وجلدها وحنيتها، واخدة كل حاجة".

اقرأ أيضا:

ثق بالله وعش مع اسم الله الفتاح.. هذه هي المعاني والأسراروأضاف الداعية الإسلامي "ليه مريم فضلت؟ عايز أشرح لك فكرة، الأول: كل شريحة سنية لها صفات مميزة لها تغلب عليها، يعني الشيخ في سنة الأربعين إيه أكتر صفة؟ رجاحة العقل والحكمة، طب الطفل اللي عنده سبع سنين إيه أكتر صفة؟ اللعب والمرح والهزار والفكاهة، طب البنت من 15 لـ 22 إيه أكتر صفة بتميزها؟ في أم بتقول: العند، لا والله، أنا عرفت الطفل، وعرفت الراجل الكبير، طب البنات في السن ده، مهي مريم كانت فتاة في السن ده، إيه أكتر صفة بتميزها؟ كتلة عاطفة، كتلة حنان لا نهائي، عاطفة، حب عندها حب، جينات الحب، هي طبيعة السن ده كده".
وأشار الدكتور "خالد" إلى أنه "لو أنا وأنتم الناس اللي قاعدة كده، لو قلنا إن الحب له وحدات، أو العاطفة لها وحدات، كل واحد عنده 100 وحدة عاطفة، فالبنت في السن ده ألف وحدة عاطفة. سؤال: الواحدات دي حتروح فين؟ أه الوحدات دي لازم تتصرف، لازم تخرج، وما تقوليش لا، أصل في أمهات تقول لا ده أنا بنتي هادية قاعدة ما بتعملش حاجة، يعني إزاي؟ عايزة تقنعيني إن طفل عنده سبع سنين مبيلعبش في حاجة، غلط مش ممكن، طب البنت في السن ده هتودي العاطفة فين؟"
وأكد الداعية الإسلامي "هنا تظهر مريم، ليه؟ مريم فتاة، وعندها عاطفة، هتودي العاطفة فين يا مريم؟ هيبدأ أول ملمح إن مريم سيدة نساء العالمين، أنا عندي عاطفة، وأنا لسه ما اتجوزتش ومعنديش عيال، عشان أطلع العاطفة دي في سكتها، أنا هفتح سكة للعاطفة، دي عملت حاجتين: حب شديد لربنا، حطلع العاطفة دي في عبادة، ده أنا هصلي كتير، أنا هعبده، أنا هقوم بين إيديه"، مضيفا "يا بنات أول حتة أهه: اعبدي كتير، طلعي العاطفة فين؟ هحب ربنا، ما تقولي ليش أنت كده تطلع العاطفة؟ دي أحلي حاجة تطلع فيها العاطفة، جربي في رمضان، ورمضان فرصة، صلي كتير، اسجدي بين إيديه، ابكي له، ادعيه، أطلبي أمنياتك، جوزني واحد أحبه، جوزني واحد يسعدني، عايزة كذا، كلميه، قربي منه، طلعي الحب عنده، قربي قربي. دي أول حاجة عملتها مريم".

اقرأ أيضا:

عمرو خالد : لن تحب الله حتي تحب كل الناس
وتابع : "تاني حاجة عملتها مريم طلعت فيها العاطفة: العمل الخيري، العمل التطوعي، أيتام، وملاجئ، وضعفاء، وأرامل، بس هي العمل الخيري كان عندها إيه؟ العمل الخيري كان عندها بيت المقدس، أنا هخدم بيت المقدس، وهساعد الناس، وهبقي خادمة العباد، وهساعد أي حد يجي يعبد ربنا، وأعين في بيت المقدس. شفت طلعت العاطفة فين؟"، مشيرا إلى  "أنا عايز إيه من البنات؟ طب أنا بشرح ليه للبنات؟ عايز منك حاجتين: كوني مريمية، كوني زي مريم، حاجتين: سكتين: أنتي عندك ألف وحدة عاطفة، أنا خايف عليها، أنا خايف يروحوا في سكة غلط، أنا خايف الموضوع يتحول لولد يضيع العاطفة بتاعتك ويضيعك، أنا خايف عليكي، خلي بالك لو اتجرحت مرة من ولد، أنت ألف وحدة، أنت كتلة عاطفة، لو اتجرحت مرة هتتوجعي أوي، فتتجرحي من واحد تاني فتتوجعي أوي، فتتجرحي من واحد تالت فتبوظ العاطفة، وبعد الجواز تبقي خلاص فقدتي العاطفة، ليه؟ أنت بوظتيها، مهو في واحدة اسمها مريم، اسمها سيدة نساء العالمين، وفي سورة باسمها ما تفتحي متمشي في سكتها، روحي في سكة مريم، حبي ربنا، طلعيها في عبادة، صلي لله رمضان، فرصة جربي، طب قلدي مريم في رمضان، جربي في رمضان، يا بنات قلدوا مريم في رمضان، طب العمل الخيري شوفي لك عمل خيري، شوفي لك ملجأ أيتام، شوفي لك فقراء، شوفي لك أيتام تحضنيهم، طلعي، اصرفي من الألف وحدة، لازم يطلعوا، ما ينفعش يتكبتوا يا بنات، إوعي الصحوبية، إوعي ولد يضحك عليكي، إوعي ولد ياخد الوحدات بتاعتك، خلي بالك هيضيعك، وخلي بالك ربنا بيقول: {وَلاَ مُتَّخِذَاتِ أَخْدَانٍ} [النساء : 25]، ما تصاحبيش، روحي اتجوزي، لكن ما تصاحبيش، طب أنا لسه ما أتجوزتش، أعمل إيه؟ واتأخر الجواز، طلعيهم في فقراء وغلابة، دوري علي حتة تطلعي فيها، طلعيهم في عبادة، طلعيهم في صلاة، وقيام، ودعاء، حبي ربنا، ابكي من خشيته، هطلعي كده شوية وحدات، دي مريم".
واستدرك "خالد" بالقول "عبادة التفكر عبادة إحنا محرومين منها، عبادة اندثرت يا خسارة، عبادة اندثرت، تخيل عبادة بها النبي بقي نبي، لما كان يتعبد في غار حراء يتفكر، عبادة بها إبراهيم عليه السلام بقي نبي، و{َكَذَلِكَ نُرِي إِبْرَاهِيمَ مَلَكُوتَ السَّمَاوَاتِ وَالأَرْضِ}[الأنعام:75] "تفكر ساعة خير من قيام سنة". واحد من الصحابة يقول: شاهدت واحد ولا اثنين ولا ثلاثة ولا أربعة يقولون: إن نور الإيمان التفكر. مريم بتعمل إيه كمان؟ {يَا مَرْيَمُ اقْنُتِي لِرَبِّكِ وَاسْجُدِي وَارْكَعِي مَعَ الرَّاكِعِينَ } [آل عمران:43] اسجدي يا مريم وادعي وأنت ساجدة، واركعي مع الراكعين، الله علي عبادتك يا مريم! يبقى فيها تفكر، وعبادتك فيها قيام، وعبادتك فيها سجود، لا مش مرة واثنين {كُلَّمَا دَخَلَ عَلَيْهَا زَكَرِيَّا الْمِحْرَابَ} [آل عمران:37] كل ما يخش يلاقيها بتصلى، كل ما يخش يلاقيها عابدة، ها يا بنات مين ناوية تعبد في رمضان زي السيدة مريم وتستعد؟ هي بقت سيدة نساء العالمين، يا ترى ربنا هيعليكي أد إيه؟"

اقرأ أيضا:

بصوت عمرو خالد.. ‫دعاء التوكل على الله أدعو به كل صباح
ويضيف الدكتور "خالد" "لا تفتكروا إن مريم حياتها سهلة، مريم حياتها صعبة أوي، يا ستات خلي بالكم مريم حياتها صعبة، إزاي؟ مريم يتيمة يعني أبوها مات وهي طفلة، وأمها كبيرة في السن، مش هم خلفوها علي كبر، مش مكنتش بتخلف زوجة عمران، فلما خلفت الأب مات، مريم يتيمة عشان البنات ما تقولش عشان أنا ظروفي صعبة، مش أصعب من مريم، مريم القدوة، فمريم يتيمة، أمها كبيرة مش قادرة تربيها، كبرت في السن، طب مين يكفلها؟ محتاجين حد يكفلها، كفلها مين زوج أختها زكريا، ومتفتكروش إن هو كفلها بسهولة، ده كان في خناقة بين العباد في بيت المقدس، أصل أبو مريم علمهم كلهم، أصل الأب الصالح ربنا بيخلي حد ياخد باله من عياله لو مات، {وَكَانَ أَبُوهُمَا صَالِحاً} [الكهف : 82] فلما مات، خناقة بين العبّاد، كله بيقول: لا أنا اللي أكفلها، لا أنا عايز أقوم بالدور، أنا عايز أكفلها {وَمَا كُنتَ لَدَيْهِمْ إِذْ يُلْقُون أَقْلاَمَهُمْ أَيُّهُمْ يَكْفُلُ مَرْيَمَ وَمَا كُنتَ لَدَيْهِمْ إِذْ يَخْتَصِمُونَ} [آل عمران:44].


اقرأ أيضا:

تسبيح الله سبب لتفريج الكرب وإزالة الهم.. فأطلق لسانك تسبيحًا له


الكلمات المفتاحية

عمرو خالد قصص القرآن القرآن الكريم مريم بنت عمران السيدة العذراء

موضوعات ذات صلة

amrkhaled

amrkhaled يسرد الداعية الإسلامي الدكتور عمرو خالد، خلال مقطع الفيديو المنشور على صفحته الرسمية على موقع "يوتيوب" قصة من قصص القرآن الكريم ألا وهو قصة السيدة