نصائح طبية لعزل منزلي صحي لمرضى كورونا
بقلم |
محمد جمال حليم |
الاثنين 22 يونيو 2020 - 08:40 ص
بعد ثبات جدواه في علاج الكثير من الحالات المصابة بكورونا، ينصح الأطباء بضرورة أخد الاحتياطات اللازمة ليكون العزل بشكل صحيح حتى يؤدي الجدوى منه.
نصائح العزل المنزلي:
ومن أهم النصائح التي يوصي بها لأطباء ما يلي:
- - الحالات التي تتعزل منزليًا دي بتكون بناءً علي قرار طبي بعد مناظرة الحالة وفحص الأشعة المقطعية؛ العزل المنزلي ليس قرار شخصي للمريض.
- - من الممكن تطور الحالة أثناء العزل المنزلي، ولذلك يجب العودة للمستشفي في حالة تفاقم الأعراض.
- - من أهداف العزل المنزلي منع انتقال المرض للآخرين اللي جزء منهم المقيمين في نفس البيت، لذلك لازم يبقي فيه تباعد جوه البيت لو فيه مريض مصاب بكورونا وكذلك ارتداء للكمامات داخل المنزل (للمصاب والمخالطين) في الأوقات اللي ببيتقابلوا فيها.
- - مفيش حاجة اسمها بروتوكول علاج كورونا ثابت في البيت نديه لكل الناس!!
- - مفيش حاجة اسمها حقن ديكساميثازون (نوع من الكورتيزون) لكل الحالات. بالعكس ده ممكن يكون فيه خطورة علي بعض الحالة اللي من ضمنها غالباً حالات العزل المنزلي (بالإضافة لتأثيراته علي المرضي المصابين بالضغط والسكر).
- - الزيثرو بأنواعه مش علاج للفيروس ومش بينفع في معظم الحالات. تحديد الاحتياج للمضاد الحيوي ونوعه دي وظيفة الطبيب.
- - الكلوروكين (أو البلاكونيل) معظم الأبحاث الجديدة دلوقت ماشية في اتجاه انه مالوش لازمة ، فبلاش تتعبوا نفسكم وتدوروا عليه.
- - بلازما المتعافين لم يثبت إلي الآن جدواها علمياً ، ومش هي العلاج السحري خالص. فيه فعلاً ناس استفادت منها ، لكن العكس حصل كذلك في ناس تانية أخدتها. بلاش نموت نفسنا عليها واحنا معندناش تأكيد لفايدتها من أساسها.
- - البنادول يستخدم كخافض للحرارة ومسكن للآلام في الحالات البسيطة وليه بدايل كتير (أي حاجة فيها مادة باراسيتامول زي سيتال ، بيرال ، أبيمول ، أدول).
- - طيب يبقي ايه العلاج؟ الحقيقة ده مرض فيروسي غريب؛ فيه حالات قليلة بتتدهور ودي اللي بتحتاج دخول مستشفي ويمكن كمان عناية مركزة ، بينما معظم الحالات بيعدي الموضوع عليها بدون أي مشاكل ودي مش بتحتاج لعلاج معين ، مسألة وقت ليس إلا.
- - نقول تاني ان ده مرض فيروسي المهم جداً فيه العلاج التدعيمي وعلاج الأعراض وده يشتمل علي الراحة التامة (طبعاً في حالة العزل المنزلي) وكمان السوايل الكتير.
