كشف الداعية الإسلامي الدكتور عمرو خالد، من خلال مقطع الفيديو ضمن برنامجه الرمضاني الجديد "كأنك تراه" المنشور على صفحته الرسمية على موقع التواصل الاجتماعي "فيسبوك"، أن الإحسان طاقة للاستمرار في الحياة، مشيرا إلى حديث رائع لرسول الله صلى الله عليه وسلم يدل على هذا الأمر.
يقول "خالد" إن الإحسان هو إحساس عالى جدا بالله في كل جزئيات حياتك .. حاسس بيه اوي ( ان تعبد الله كأنك تراه)..  إنك تحس بيه في كل جزئيات حياتك هو ده الإحسان تتقلب في سريرك تكلمه تقول له يارب نفسي بكره يكون حلو خلص لى المشكله بتاعتى معاك .. سايق العربيه وواحد رزل غلس عليك وقررت انك هتقرفه وهتشتمه وبعدين افتكرت ربنا معاك .. افتكرت ان انت مسألتش على ابوك النهارده فمقدرتش فرفعت التليفون ازيك يابابا معاك فلما دخلت الصلاه وسجدت حسيت انه معاك اوي كانه بيطبطب عليك.. هو ده الإحسان مع الله في كل جزئيه في حياتك .. تسجد وتدعي تحس إنه بيطبطب عليك .. تحن على أمك وتسعدها وترضيها وتقول له عشان أرضيك يارب".
ويضيف الداعية الإسلامي أن الإحسان درجتين:  الإحسان 2 Levels أن تعبد الله كانك تراه دا العالى .. بس النبي بيقول لك إن في Level أقل لكن برده جوا الإحسان .. فإن لم تكن تراه فإنه يراك .. إن ربنا حاضر معاك في كل حياتك وتصرفاتك... وإذا سرى فيك الإحسان .. تحسنت أخلاقك وصفاتك وقدراتك ونجاحك .. لأنك ترى الله في كل حياتك.. مع الله تعبده وتصلي كأنك تراه .. مع الناس حسن الخلق .. مع الحياة إحسان العمل يعني إتقان وإبداع .. فيكون ثلاثي الأبعاد .. مع الله – مع الناس – مع الحياة".

اقرأ أيضا:

دعاء مستجاب للنبي لتفريج الكرب وقضاء الحوائج.. ادعو به كل يوم الصبحواستدرك الدكتور "خالد" قائلا إن "الإحسان زيادة في الآنتاج والأرباح.. تخيل لو كل الناس اللي عند حضرتك في المصنع عندهم إحسان.. احكيلى هيبقي الآنتاج عامل إزاي.. تخيل الناس اللى شغاله ف الشركه اتربوا على فكرة الإحسان ف هو مش مسألة إنه بياخد مرتب .. هو شايف ربنا حاسس بربنا ف بيطلع احلى ما عنده".

ويلفت الداعية الإسلامي إلى أن الإحسان لإحياء الأرض مستشهدا بحديث النبي الكريم صلى الله عليه وسلم "إذا قامت الساعة وفي يد أحدكم فسيلة"، مضيفا "تخيل لو فيه 1 % من بلادنا محسنين .. تخيل الممرضات في معاهد التمريض على الإحسان .. تخيل عمال المصانع .. تخيل أمهات تربي أولادها على الإحسان .. تخيل الجيل اللي حيطلع". 

واستكمل "خالد" أن "الإحسان 3D منشن مع الله كإنك تراه .. مع الناس حسن الخلق مع العمل اتقان وابداع لو إنت قاعد ادامى وعندك التلاته دول إنت احسن منتج إنسإنى .. لا تقول لى اليابانى ولا الكوري مين احسن منتج إنسإنى حاليا هتقول لى الألماني ؟..  اللى عنده ال 3 دول هو احسن منتج إنسإنى يعني بيلوجك واحد مع الناس أحلى أخلاق ده الإحسان".

اقرأ أيضا:

هو ايه لازمة وجودك في الحياة وعايز رد مقنع؟.. الدكتور عمرو خالد يجيب

اقرأ أيضا:

7 معلومات تستعد بها ليوم عاشوراء.. انشرها لتأخذ ثواب كل من يصومه معك

اقرأ أيضا:

قصة عجيبة مع دعاء "ربي لا تذرني فردًا وأنت خير الوراثين".. تعرف عليها