ويتابع الإعلامي محمد هشام بالقول "الموقف ده علمني كتير أوي ..علمني إن فيه لحظات معينة العناد لو مر عليها هيدمر اللي راح في العلاقة واللي جاي كمان ..وإن اللي يحب لازم يحافظ على اللي بيحبه من الإنكسار .. ممكن يزعل ..يبعد ..يعاتب..إنما لا يجرح ولا يكسر .. ومهما كانت درجة الخصام فلازم يحافظ على الذكرى..وكله هيعدي ولما بيعدي مبتبقاش غير ذكرى في لحظة فارقة في حياة اللي بتحبه وإنت كنت فين وقتها وعملت إيه وإتصرفت إزاي ..لحظة بيكون فيها روح اللي بتحبه تايهة وإنت يا إما عرفت تلحقها يا إما سبتها تشرد في الضلمة وساعتها عمرها ما هترجع أبدا حتى لو ولعت صوابعك العشرة شمع".
وأردف الدكتور عمرو خالد بالقول "سؤالنا كان ..هل للخصام أخلاق؟..طبعاً للخصام أخلاق.. لازم نتعلم فن التفويت ساعة الخلاف.. ياما بيوت اتهدت لأسباب تافهه عشان محدش بيفوت و بيعدي و بيسامح .. يمكن يكون أصل المشكلة الكبر والانتصار للذات وإنك تكسب جولة من اللي قدامك..و بيتهد البيت.. أكسر كبر نفسك .. فوت .. اتعلم أخلاق الخصام".
اقرأ أيضا:
عمرو خالد: أوعى تخاف من القبر .. القبر بشرى بالجنةاقرأ أيضا:
إذا ضاق عليك الحال.. ٧ أشياء تصبرك عند ضيق الرزقاقرأ أيضا:
وقعت فى أخطاء قبل خطوبتى هل اعترف لخطيبى؟.. عمرو خالد وإيهاب معوض يُجيبان