للصداع أنواع كثيرة.. كيف نعالجه بدون مسكنات؟

بقلم | محمد جمال حليم | الجمعة 19 فبراير 2021 - 06:40 م

ألم الصداع لا يوصف ويختلف حدته من شخص لآخر حسب سببه وتحمل الشخص نفسه غير أن الصداع له أنواع كثيرة ولا بد من معرفة أسبابه حت يسهل معالجته.

أنواع الصداع:

من جانبه يبين الدكتور أحمد أبو النصر أستاذ الطب البديل والعلاج بالنباتات الطبية أن الصداع أنواع ومن صوره الصداع أن تصاب به لو كنت متوترا وتجد فيه ضغط بجانب العينين وألم في قورتك ورقبتك وممكن يمكث ساعات ..

ويضيفي في منشور له على صفحته على الفيس بوك أنه ممكن يأتي الصداع أيضا ويكون ملازما لك ٣ أيام لا عارف تشوف كويس ولا قادر تصلب طولك من الدوخة وحاسس إن عضلاتك خفيفة ولا تستطيع الحركة ولا الكلام..

ومن أنواعه أيضا صداع الجيوب الأنفية ،، لا تعليق كله عارف يعني إيه صداع في وشُه بالكامل مش رأسه فقط، الذي بسبب التوتر فهمنا سببه ..

ويوضح أن الصداع الملازم يقولك خلي بالك من نوعيات أكلك والآثار الجانبية لأي أدوية بتاخدها ، وبيقولك أنتي أحسبي هرموناتك وتغييراتها وحافظي على إضطراباتك النفسية ..

واللي جيوبه مبهدلاه الأحسن تعالجها ضروري ..

علاج الصداع

وينصح أبو النصر ركزوا بقى وقت الصداع نعمل إيه يسكن (من غير مسكنات) ..

القهوة كويسة جداً .. نشرب ماء كتير .. نشرب روزماري وزنجبيل بس لو ضغطنا عالي ناخد بالنا .. أعتمد على الماغنسيوم ..

أفهم صداعك منين وبعد كدة فكر تعالجه .. وكفاية مسكناااااات .. كليتك مالهاش ذنب تُهلك ومعدتك حرام تعرضها للتقرح وجلدك خسارة تعرضه للآثار الجانبية ..