أشعر بهمدان وتكسير عظام في رمضان.. هذا هو الحل

بقلم | محمد جمال حليم | الاحد 26 مارس 2023 - 05:05 ص

حالة من الهمدان والكسل وتكسير العظام يشعر بها الأغلبية في رمضان خاصة في الأيام الأولى منه.. إحساس إنك تقيل و لا تستطيع الحركة وتميل للنوم بشكل متكرر و لا تقوى على فعل شيء.

هذه الحالة كما يقول الدكتور أحمد أبو النصر أستاذ الطب البديل والعلاج بالنباتات الطبية ومعروفة ومشهورة جدا ولا تمثل مفاجأة خصوصاً في رمضان ..

ويوضح د. أبو النصر في منشور له على صفحته الرسمية على الفيس بوك أنه طول ما نظامك كله سُكريات وكافيين طول اليوم ونشويات نشويات نشويات ومفيش ماء .. وعليه دايماً متوتر وضغط طالع نازل .. عمرك ما هيبقى عندك طاقة تجيب ريموت التليفزيون حتى .

كله هذا بينعكس عليه "انخفاض" في حاجات كتير في جسمك منها :

أسباب كسل الجسم في رمضان:

>ڤيتامين د = تعب عضلات وصداع..

>الأملاح والمعادن (من أسبابهم أدوية الإرتجاع والحموضة.

>مخزون الحديد = أنيميا

> المناعة = شهرين عندك برد لا تخف.

> الزنك

هذا غير التهابات الجيوب الأنفية والحساسية وسوء الامتصاص..

ويضيف: كل دا ممكن يسبب لي خمول وهمدان وأنا فاكر مجرد قلة نوم ..

طب وبعدين يا دكتور أنا محتاج طاقتي عشان أعرف أقوم بشغلي خصوصاً في الصيام !!

طيب ركز معايا :

=ڤيتامين سي أسكوربيك أسيد عشان المناعة ، الطاقة ، مضاد أكسدة ، زيادة إمتصاص للحديد

‏= B12 - عشان الأنيميا وألتهاب الأعصاب الطرفية والتنفس وهتلاقيه في (البيض،اللحوم،الكبدة) بنسب طبعاً

= ڤيتامين د طبعاً أساسي وضروري ويكمله ڤيتامين K2 (مينا كينون)

لو زودت اللي إنخفض عندك .. وقللت اللي السبب فيه يبقى هتضمن طاقة ونشاط ..

وبعد الفطار هقولكوا على مُساعد قوي يحفز طاقة وذاكرة وتركيز ويحرمك من الخمول (أستنوني)

ومادام وصلت لآخر البوست يبقى مهتم بيه ولو مهتم ( أنا ناوي أنزل عن الإنزلاق الغضروفي وطرق الحماية منه وبروتوكول علاجي له – حافظ عليه لأنك محتاج له في رمضان .