ويضيف في منشور له على صفحته الرسمية على الفيس بوك أن هناك 6 علامات ينبغي معرفتها لتتأكد من وجود السموم في جسمك من عدمه.

دايماً لما بقول فايدة لأي نبات أو عشب وأذكر إنه بينقي سموم الجسم يتقالي يعني إيه سموم الجسم وأعرفها إزاي .. هقولك إزاي :

١- زيادة الوزن أحياناً بيكون سببها تراكم السموم ، عشان السموم بتقلل مستويات هرمونات الجسم زي هرمونات الغدة الدرقية اللي هي مسئولة عن إفراز هرمون الحرق ، وزي هرمون الأنسولين اللي بيفرزه البنكرياس ، والكورتيزول والإستروجين والتستوستيرون ،، دي هرمونات لو قل مستواها هتتعرض للسمنة ودة سببه السموم ..

٢- المستحضرات التجميلية سواء للوش ولا للشعر بتحتوي  على سموم قادرة تعدي من الجلد للجسم وعليه بيحصل حب الشباب والإكزيما والطفح الجلدي ..

٣- رائحة الجسم الكريهة سواء فم أو عرق أو بول ودة بسبب إن السموم دي أثرت على عملية التمثيل الغذائي ..

٤- التعب المزمن واللي بيكون بسبب المبيدات والعوادم اللي بتستنشقها فـ بالتالي بعد دخولها جسمك ، الكلى والكبد بيعملوا مجهود خرافي إنهم يشتغلوا ويتخلصوا من السموم دي ودة طبيعي يقلل طاقتك ..

٥- الإمساك المزمن بعد أي أكله اتأكد إنها بتحتوي على سموم جسمك إمتصها للأسف .

٦- عدم الإتزان أو مشاكل الذاكرة والتركيز بيحصل برضو بسبب تراكم السموم اللي أقتلعت من جسمك الڤيتامينات ىالمعادن والهرمونات اللازمة وظائف جسمك اليومية ..

السموم بتبجي من التلوث البيئي وإستنشاق الغازات وتناول الأطعمة المصنعة والتدخين وبعض أنواع الأدوية كمان ..

لو عايز وقاية وماعندكش ولا عرض من دول البقدونس والبنجر والكزبرة كويسين تخليهم ضمن نظامك حبه وتسيبهم حبه ،، حاسس بالأعراض دي ومحتاج حل وعلاج الصمغ العربي معروف بجبروته هو والقراص والثوم بس الثوم السائل بقى المرة دي .