كيف أحافظ على الكلى بطريقة طبيعة؟.. هذه الأطعمة فيها الحل

بقلم | محمد جمال حليم | الجمعة 06 نوفمبر 2020 - 06:40 م

يعاني الكثيرون من آلام الكلى التي تتفاوت من شخص للآخر حسب محافظته عليها واهتمامه بطعامه وشرابه.

يؤكد الدكتور أحمد أبو النصر أن الكلى رغم أنها عضو مهم فإن الكثيرين مُهملين جدًا فيها، ومن ثم نكتشف مشاكلها في وقت متأخر.

أعراض قصور الكلى:

ويضيف في منشور له على صفحته الرسمية على الفيس بوك أن من أعراض القصور الكلوي : تورم في الرجل من أول الساق والقدم والكاحل ، ضيق غير مبرّر في التنفس، الخمول والتعب، الغثيان، ألم في الصدر والغيبوبة في بعض الأحيان .. طبعاً كله مع عدم علاجه يؤدي للفشل الكلوي .. وقبلهم طبعاً الحاجات اللي بنسميها خفيفة وبسيطة وبنهملها زي الأملاح والحصوات وخلافُه ..

ويضف " أبو النصر" عددا من الأكلات الطبيعية التي من شأنها تقوية الكلى والمحافظة عليها:

١- البامية: لو مريض قصور كلوي بسبب ضعف الكلى أو ارتفاع وظائفها أو السكري.

٢- البرتقال والليمون بيمنعوا تكوين الحصوات مش العكس عشان سمعت إن فيه ناس فاكراهم من الأملاح مش حمضيات ..

٣- زيت جوز الهند وزيت بذر الكتان بيقوي الكليتين ، يعني لو لسه في بداية تعبك هما معاك يرجعوك تمام ، بس زيوت بجد با جماعة محدش يجيبهالي من العطار ويقولي حلوة دي ؟ ..

٤- الموز لو عندك حصوات هو غذاء كويس ليك ..

٥- چل الصبار الذي بجد برضو الألوڤيرا مش الصيني اللي عند العطار يعملك إعادة الأوعية الدموية للكليتين ويعليلك الكيراتنين للطبيعي ..

٦- بيكربونات الصوديوم وأنا شخصياً استخدمتها لما جالي حصوات على الكلى ..

٧- الشعير رقم واحد في صرف أي مشروب للكلى بعد الماء عشان يكنس أي حاجة في الكلى ..

٨- الماء النقي مهم جدا جدا لتنقية الكلى..

٩- تعرف دواء إسمه الكيتوستريل اللي بياخدوه اللي عندهم ضعف في الكلى ؟ عندك اللي يقابل فعاليته من عند ربنا زي البقدونس والخلة البلدية والشعير ..

١٠- زيت السمسم موجود يلحقك لو أنت مخزن جوا جسمك كمية لا بأس بيها من المسكنات وأدوية الضغط والسكر و يحافظلك إن الأذى دي مايلحقش الكلى ..

١١- الكركدية تخيل طلع بيقوى مرضى القصور الكلوي مش هو اللي بيعملهم الحصاوي !! تخيل ..

١٢- قشر البطيخ دة تحفة ونعمه من ربنا والله لما تاكله بعد الأكل كدة يساعدلك الكلى تتخلص من الألوان الصناعية اللي في الأكل والشرب مايفضلوش في جسمك ..

١٣- نواة التمر قهوة صحية ليك ..

١٤- اليانسون طبعاً اللي بيخلص كليتك من السموم ..

تاني مع بعض ، نساعد جسمنا كأنه عندنا أرض مليانه محاصيل لو محصول أتعرض للتلف باقي كل المحاصيل هتتأذي حتى لو مش نفس الزرعة بس في الأساس هما نفس الأرض ..